Datasets:

freococo
/

hellosayarwon_dataset

title stringlengths 5 157 ⌀	content stringlengths 23 51.2k ⌀	category stringclasses 28 values	subcategory stringclasses 31 values	url stringlengths 40 304
စာမေးပွဲဖြေရမယ့် ကလေးတွေကို ဘယ်လိုဂရုစိုက်အားပေးမလဲ	စာမေးပွဲအချိန်တွေဆို ကလေးတွေရော မိဘတွေပါ စိတ်လှုပ်ရှားပင်ပန်းကြရတာအမှန်ပါပဲ။ဖြေဆိုမယ့်ကလေးတွေရဲ့စိတ်ဖိစီးမှုကတော့ ပိုသိသာတာပေါ့။ “ငါစာတွေတကယ်ရရဲ့လား၊ ဘာများကျန်နေသေးလဲမသိဘူး၊ ငါထပ်ရောကျက်နိုင်ပါတော့မလား၊ အချိန်ကသိပ်မကျန်တော့ဘူး၊ စာတွေမှတ်မိပါ့မလား” စတဲ့မေးခွန်းတွေ ကိုယ့်ကိုယ်ကိုယ်ပြန်ထုတ်ရင်းခေါင်းပိုရှုပ်နေရတတ်ပါတယ်။ ဒီဘာသာကိုတော့ပိုင်ပြီ ဟိုဘာသာရပ်ကိုကြောက်တာ စတဲ့ စိုးရိမ်မှုတွေကလည်း ရှိနေပြန်တဲ့အခါ ရပြီးသားစာတွေကိုပြန်နွှေးတာတောင် အခက်တွေ့ရတတ်ပါတယ်။အခုဆိုရင် တက္ကသိုလ်ဝင်တန်းစာမေးပွဲဖြေဆိုကြရတော့မှာပါ။ တက္ကသိုလ်ဝင်တန်းဆိုတာ ကလေးတွေရဲ့အသက်မွေးပညာလမ်းကြောင်းကို အပြောင်းအလဲဖြစ်စေမယ့် အချိုးအကွေ့တစ်ခုဖြစ်တာကြောင့် မိဘတွေကလည်း အရမ်းကိုမျှော်လင့်ထားကြတဲ့စာမေးပွဲပါ။ ဒီလိုစာမေးပွဲကာလမှာ အဆင်ပြေချောမွေ့စွာနဲ့ ရည်မှန်းချက်ပန်းတိုင်ကိုရောက်ဖို့ ကိုယ့်ကလေးတွေကိုဘေးကအားပေးကူညီကြတဲ့ မိဘတွေရဲ့ပံ့ပိုးမှုကလည်း အရေးကြီးပါတယ်။ ပျင်းနေတဲ့ကလေးကို စာကြိုးစားအောင်၊ စာကြိုးစားတဲ့ကလေးကို အတိမ်းအစောင်းမဖြစ်အောင်၊စေ့စပ်သေချာတဲ့ကလေးကို ပိုအောင်မြင်အောင် ပံ့ပိုးနိုင်သလို ဖိအားတွေများလွန်းလို့ သို့မဟုတ် ထိန်းသိမ်းတဲ့နည်းလမ်းမမှန်လို့ ကလေးရဲ့အရည်အချင်းတွေ တိမ်ငုပ်သွားစေတာလည်း မိဘတွေရဲ့လက်ထဲမှာပါပဲ။ကလေးက အရမ်းစိတ်ပူပန်နေမယ်၊ ထိလွယ်ရှလွယ် စိတ်ခံစားချက်ပြင်းထန်နေမယ်၊ခေါင်းကိုက်တာ ဗိုက်အောင့်တာတွေဖြစ်လာတယ်၊စိတ်ဆတ်လာတယ်၊ကောင်းကောင်းအိပ်မပျော်ဘူး၊ အစားစားဖို့သိပ်စိတ်မပါတော့ဘူး၊စိတ်အလိုမကျတဲ့ပုံဖြစ်လာတယ် စတဲ့စိတ်ဖိစီးမှု လက္ခဏာတွေရှိလာနိုင်ပါတယ်။ မိဘတွေအနေနဲ့သတိထားမိတဲ့အခါ ကလေးကို ပိုဂရုစိုက်ပေးရပါမယ်။ စိတ်ဖိစီးမှုများလာရင်အမှားများလာမယ်။ ဒီတော့ စိတ်ဖိစီးမှုနည်းနိုင်သမျှနည်းအောင် ဖိအားနည်းအောင် လုပ်ပေးသင့်ပါတယ်။စာမေးပွဲကာလမှာ ညီညွတ်မျှတတဲ့အစာအာဟာရက ကလေးရဲ့ကျန်းမာရေးအတွက် အဓိကအရေးပါနေပါတယ်။တော်တော်များများက မထတမ်းစာကျက်ရင်း စားဖို့သောက်ဖို့အချိန်လွန်သွားတတ်ပါတယ်။ ဦးနှောက်ဆိုတာ အစာလိုအပ်ဆုံးအစိတ်အပိုင်းဖြစ်လို့ အစာမရှိရင် အလုပ်လုပ်နိုင်ဖို့နှေးကွေးသွားပါလိမ့်မယ်။ ဒါ့ကြောင့်ကလေးတွေကို အစာမှန်မှန်စားဖြစ်ဖို့၊ လုံလောက်တဲ့ပမာဏတော့ ဝင်အောင်စားဖို့ သတိပေး ဂရုစိုက်ရပါမယ်။တချို့မိဘတွေက ကလေးတွေ အာရုံလန်းဆန်းစေဖို့ဆိုပြီး အချိုများတဲ့၊ ကဖင်းဓါတ်များတဲ့ အစားအသောက်တွေ၊သရေစာတွေ(ဥပမာ ကိတ်မုန့်၊သကြားလုံး၊ကော်ဖီ၊ချောကလက်) ပြင်ဆင်ပေးထားတတ်ပါတယ်။ ဒါတွေက များလွန်းရင်မကောင်းပါဘူး။ စာကျက်ရင်းစားလို့ရမယ့် ကျန်းမာရေးနဲ့ညီတဲ့ သရေစာလေးတွေပြင်ဆင်ပေးသင့်ပါတယ်။စာပိနေတဲ့ ကလေးကို စကားပြောတဲ့အခါမှာပေါ့ပေါ့ပါးပါး ဆက်ဆံပေးပါ။ မိဘတွေက စိုးရိမ်ပူပန်နေပြီဆိုရင် ကလေးက စိတ်ဖိစီးမှုပိုရပြီး စာကျက်ရာမှာ ဝန်ပိုပိစေနိုင်ပါတယ်။ စာမေးပွဲနဲ့ပတ်သက်ပြီး ကိုယ့်တုန်းကတွေ့ကြုံခံရတဲ့ခံစားချက်တွေကို မိဘတွေလည်း မှတ်မိကြမှာဖြစ်လို့ သင်ခန်းစာယူပါ။ ကလေးတွေအတွက် တွန်းအား၊ဖိအားမဖြစ်စေဘဲ နွေးနွေးထွေးထွေးအားပေးနိုင်ဖို့ကြိုးစားပါ။အိပ်ရေးဝဝအိပ်စက်ခြင်းကတွေးခေါ်နိုင်စွမ်းနဲ့အာရုံစူးစိုက်နိုင်စွမ်းကိုကောင်းမွန်စေပါတယ်။ လူငယ်တွေဟာ တစ်ညကို ၈ နာရီတော့ပြည့်ဝအောင်အိပ်စက်သင့်တာကြောင့် အိပ်ချိန်နည်းလွန်းရင်အဆင်မပြေပါဘူး။ ကျက်မှတ်ထားသမျှတွေ အကုန်မမှတ်မိတာ၊နောက်တစ်နေ့မှာခေါင်းမကြည်တာတွေရှိနိုင်ပါတယ်။ စာကျက်ရင်း ညနက်သွားတဲ့ကလေးကိုနောက်နေ့မှာ ဆက်တိုက်စာမကျက်ခိုင်းဘဲ ကြားချိန် နာရီဝက်-တစ်နာရီလောက် တရေးအိပ်ခိုင်းတာလည်း ဦးနှောက်မှတ်ဉာဏ်အတွက်ကောင်းပါတယ်။နောက်တစ်နေ့စာမေးပွဲအတွက် တစ်ညလုံးနီးပါးစာထိုင်ကြည့်တာကကောင်းတဲ့နည်းလမ်းမဟုတ်ပါဘူး။ မြင်းတစ်ကောင်ကို ရေမတိုက်ဘဲ ဆက်တိုက်ပြေးခိုင်းသလို ဦးနှောက်ကို အနားမပေးတာက အကျိုးမထူးဘဲ ခရီးမရောက်ဖြစ်တဲ့အပြင် ဆိုးကျိုးပါပိုလာနိုင်ပါတယ်။အိမ်မှာ ကလေးအတွက် စာနွှေးဖို့နေရာတစ်ခု သတ်သတ်မှတ်မှတ်ထားပေးပါ။ စာကြည့်စားပွဲရှိနေတယ်ဆိုလည်း ပတ်ဝန်းကျင်က တိတ်ဆိတ်ပေးပါ။ပြတင်းပေါက် သို့မဟုတ်လေဝင်လေထွက်ကောင်းပြီး အလင်းရောင်ရတဲ့နေရာမှာ ဆိုပိုကောင်းပါတယ်။တကယ်တော့ စာလေ့လာလို့အကောင်းဆုံးက ကိုယ်အားသာတဲ့အချိန်နဲ့ကိုယ်ရှိတတ်ပါတယ်။ တစ်ယောက်နဲ့တစ်ယောက်မတူတတ်ကြပါဘူး။ တချို့က မနက်အစောကြီးထကျက်ရင် စာပိုရတယ်၊ တချို့က ညဘက်ညဉ့်နက်ချိန် စာကျက်တတ်တယ်။ ဒီလိုမျိုးမှာ ကလေးကို ကိုယ်အဆင်ပြေမယ့်အချိန် လွတ်လွတ်လပ်လပ်ရွေးချယ်ခွင့်ပေးထားသင့်ပါတယ်။ကလေးတွေဟာ စာမေးပွဲအချိန်တိုင်းမှာ ခံစားရတဲ့စိတ်ဖိစီးမှုတွေထဲ မိသားစုရဲ့ဖိအားပေးမှုကလည်း တစ်စိတ်တစ်ပိုင်းပါဝင်နေပါတယ်။ ကိုယ့်ကလေးရဲ့အခြေအနေကိုလေ့လာပါ၊သူပြောတာနားထောင်ပေးပါ၊ အားပေးပါ၊ပြစ်တင်ဝေဖန်တာမလုပ်မိဖို့သတိထားပါ။အောင်မြင်ဖို့ ဂုဏ်ထူးရဖို့ အရေးကြီးတယ်ဆိုပေမယ့် မအောင်မြင်ခဲ့ရင် သို့မဟုတ် မှန်းထားသလောက် ဖြစ်မလာခဲ့ရင်လည်း စာမေးပွဲရလဒ်ဟာ ဘဝရဲ့အဆုံးသတ်မဟုတ်တဲ့အကြောင်းပြောပြထားပါ။ အခန့်မသင့်လို့ အဆင်မပြေခဲ့ရင်လည်းပြဿနာကြီးမဟုတ်ကြောင်း အသိပေးထားပါ။ စာမေးပွဲအတွက် ဖိအားကြီးမားလွန်းတဲ့အခါ မတော်ဆချွတ်ချော်ခဲ့သည်ရှိသော် ကလေးရဲ့စိတ်မှာဒဏ်ရာဖြစ်ပြီး မလိုလားအပ်တဲ့အကျိုးဆက်တွေရှိလာနိုင်တာဖြစ်လို့ပါ။Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။[embed-health-tool-vaccination-tool]	parenting	parenting	https://hellosayarwon.com/parenting/school-age-children/school-age-children-nutrition/%e1%80%90%e1%80%80%e1%80%b9%e1%80%80%e1%80%9e%e1%80%ad%e1%80%af%e1%80%9c%e1%80%ba%e1%80%9d%e1%80%84%e1%80%ba%e1%80%90%e1%80%94%e1%80%ba%e1%80%b8%e1%80%96%e1%80%bc%e1%80%b1%e1%80%99%e1%80%9a%e1%80%b7/
အမျိုးသားတွေ သွေးဆုံးချိန်ကို အကောင်းဆုံး ရင်ဆိုင်နိုင်စေဖို့	ခေါင်းစဉ်ကို ဖတ်ပြီး နည်းနည်းများ ထူးဆန်းသွားသလား။ သွေးဆုံးတာက အမျိုးသမီးတွေမှာပဲ ဖြစ်တာပါ။ အမျိုးသားတွေမှာ ဖြစ်လို့လားပေါ့။ ဟုတ်ပါတယ်။ သွေးဆုံးတာက အမျိုးသမီးတွေမှာပဲ ဖြစ်တာ မဟုတ်ပါဘူး။ အမျိုးသားတွေမှာလည်း ဖြစ်နိုင်ပါတယ်။ အမျိုးသမီးတွေမှာ သွေးဆုံးတာကို menopause လို့ ခေါ်ပြီး အမျိုးသားတွေမှာ သွေးဆုံးတာကိုတော့ andropause လို့ ခေါ်ပါတယ်။ ဒီတစ်ခေါက် ပြောပြချင်တာကတော့အမျိုးသားတွေ သွေးဆုံးချိန်ကို အကောင်းဆုံး ရင်ဆိုင်နိုင်စေဖို့ လုပ်ဆောင်ပေးလို့ ရမယ့် နည်းလမ်းလေးတွေပါ။အမျိုးသားတွေမှာ သွေးဆုံးတယ်ဆိုတာက အသက်အရွယ်ကြောင့် တက်စတိုစတုန်းဟော်မုန်း ထုတ်လုပ်မှု နည်းသွားတာကို ဆိုလိုတာပါ။ အသက်အရွယ်အလိုက် ဟော်မုန်း ပြောင်းလဲတာက အမျိုးသားတွေ နဲ့ အမျိုးသမီးတွေမှာ ကွာခြားနိုင်ပါတယ်။အမျိုးသမီးတွေမှာ သားဥကြွေတာ အဆုံးသတ်သွားတာဖြစ်ပြီး ဒီလို ကာလတိုအတွင်းမှာ ဟော်မုန်းထုတ်လုပ်မှု ရုတ်တရက် ကျသွားတာမျိုးပါ။ ဒီအခြေအနေကို အမျိုးသမီးများ သွေးဆုံးခြင်းလို့ ခေါ်တာပါ။အမျိုးသားတွေမှာတော့ အသက် ၄၀ နောက်ပိုင်း ရောက်လာပြီဆိုရင်တက်စတိုစထရုန်း ဟော်မုန်း ထုတ်လုပ်မှုက ၁ နှစ်ကို ၁ ရာခိုင်နှုန်းလောက် ကျဆင်းလာပါတယ်။ ဒါပေမယ့် အသက်ကြီးတဲ့ အမျိုးသား အများစုမှာတော့ တက်စတိုစထရုန်း ပမာဏက ပုံမှန်အနေအထားမှာ ရှိတတ်ကြပါတယ်။ ဒါကြောင့် သွေးဆုံးတာကို အမျိုးသားတိုင်း မဖြစ်မနေ ကြုံတာမျိုးတော့ မရှိပါဘူး။အမျိုးသားတွေမှာ တက်စတိုစတီရုန်းကို ဝှေးစေ့ကနေ ထုတ်ပေးတာပါ။ ဒီဟော်မုန်းက အမျိုးသားတွေရဲ့လိင်စိတ်ဆန္ဒအတွက်ပဲ မဟုတ်ပါဘူး။လူပျိုဖော်ဝင်ချိန်အပြောင်းအလဲတွေ၊ စိတ်ပိုင်းဆိုင်ရာနဲ့ ရုပ်ပိုင်းဆိုင်ရာ ဖွံ့ဖြိုးမှုတွေ၊ ကြွက်သားဖွံ့ဖြိုးမှုတွေ စတာတွေ လုပ်ပေးပါတယ်။အမျိုးသားတွေအနေနဲ့သွေးဆုံးချိန်မှာ။အမျိုးသားတွေ သွေးဆုံးချိန်ကို အကောင်းဆုံး ရင်ဆိုင်နိုင်စေဖို့ လိုက်နာရမယ့် အချက်လေးတွေ ရှိပါတယ်။ ဒါကတော့။အရက်က သွေးထဲမှာရှိတဲ့ တက်စထရိုစတုန်း ပမာဏကို လျော့ကျစေနိုင်ပါတယ်။ လိင်ပိုင်းဆိုင်ရာ စွမ်းဆောင်ရည်ကို ထိခိုက်စေနိုင်ပါတယ်။ ဒါကြောင့် အမျိုးသားတွေအနေနဲ့ တစ်ပတ်ကို အရက် ၁၅ ခွက်ထက် ပိုမသောက်သင့်ပါဘူး။ တစ်နေ့ကို ၁ ခွက်လောက်ပဲ သောက်သင့်ပါတယ်။စိတ်ဖိစီးမှုက တက်စထရိုစတုန်းဟော်မုန်း ထုတ်လုပ်မှုကို လျော့ကျစေနိုင်တဲ့ ကော်တီစောဟော်မုန်းတွေကို ထုတ်လုပ်ပါတယ်။ ဒါကြောင့် စိတ်ဖိစီမှုကို ဖြေလျော့ဖို့ တရားထိုင်တာ၊ လေ့ကျင့်ခန်း လုပ်တာတွေက နည်းလမ်းကောင်းတွေပါ။အာဟာရမျှတပြီး ကျန်းမာရေးနဲ့ ညီညွတ်အောင် စားသုံးတာကလည်း အမျိုးသားတွေကို သွေးဆုံးချိန်မှာ ကျန်းမာနေစေဖို့ ထောက်ကူပေးပါတယ်။ နေ့စဉ် စားသုံးမှုမှာ တက်စထရိုစတုန်းဟော်မုန်းပမာဏအပေါ် သက်ရောက်နိုင်တဲ့ စားသောက်မှုတွေကို ဂရုပြုဖို့ လိုပါမယ်။ အဆီများတာ၊ အချိုကဲတာတွေကို ဆင်ခြင်ဖို့ လိုပါမယ်။နေ့စဉ် စားသုံးမှုမှာ ဇင့်လိုမျိုး လိုအပ်တဲ့ အာဟာရဓာတ်ကို ဖြည့်ပေးနိုင်မယ့် အနီရောင်အသား၊ မှို၊ ဟင်းနုနွယ်၊ ပန်းဂေါ်ဖီစိမ်း စတာတွေကို စားပေးပါ။ အိုမီဂါ – 3 ရရှိစေဖို့အတွက်တော့ အခွံမာသီးတွေ၊ ကာနိုလာဆီ၊ ဆယ်လ်မွန်ငါး၊ ဆာဒင်းငါး၊ chia စေ့တို့ကို စားသုံးပေးဖို့ လိုပါမယ်။ ဗီတာမင် D နဲ့ ကယ်လ်ဆီယမ်တို့ ပြည့်ဝစေဖို့အတွက်တော့ နို့နဲ့ နို့ထွက်ပစ္စည်းတွေ၊ ပဲနို့ စတာတွေကို သောက်သုံးပေးလို့ ရပါတယ်။အရမ်းချိုတာ၊ ကဖင်း၊ အငန်ကဲတာ၊ အကျိုးမပြုအဆီတွေ များစွာ ပါဝင်နေတာတွေက ခန္ဓာကိုယ်ရဲ့ဟော်မုန်းထွက်ရှိမှုကို ထိခိုက်စေပြီး ကိုယ်တွင်းဇီဝကမ္မဖြစ်စဉ်ကို နှေးကွေးစေပါတယ်။တစ်နေ့ကို မိနစ် ၃၀ ဒါမှမဟုတ် မိနစ် ၃၀ နဲ့အထက် ကိုယ်လက်လေ့ကျင့်ခန်း လုပ်ဆောင်ပေးတာက အမျိုးသားတွေကို တက်စထရိုစတုန်းဟော်မုန်း ထွက်ရှိစေဖို့ လှုံ့ဆော်ပေးပါတယ်။ အလေးမတာ၊ ရေကူးတာလိုမျိုး လေ့ကျင့်ခန်းတွေကို မှန်မှန် လုပ်ပေးတာက ကြွက်သားတွေကို အသုံးပြုရတာကြောင့် တက်စရိုစတုန်း ဟော်မုန်း ထွက်ရှိမှု ကောင်းစေဖို့ လှုံ့ဆော်ပေးပါတယ်။ ကိုယ်လက်လေ့ကျင့်ခန်း လုပ်တာက ကျန်းမာစေဖို့ အကောင်းဆုံး နေထိုင်မှုနည်းလမ်း တစ်ရပ်ပါ။အိပ်ပျော်မှုဖြစ်စဉ်ရဲ့ REM အဆင့်မှာ တက်စထရိုစတုန်းဟော်မုန်းကို ထုတ်လုပ်ပါတယ်။ ဒါကြောင့် ညဘက်တွေမှာ ပြည့်ပြည့်ဝဝ အိပ်စက်ဖြစ်ဖို့ လိုပါမယ်။ တစ်ဆက်တည်း ၈ နာရီ အိပ်ချိန်ရှိဖို့ လိုပါမယ်။ တကယ်လို့ အိပ်မရဘူး။ အိပ်ပျော်ဖို့ ခက်နေမယ်ဆိုရင် ဆရာဝန်နဲ့ တိုင်ပင်ဖို့ အကြံပြုပါရစေ။[embed-health-tool-bmi]	mens-health	mens-health	https://hellosayarwon.com/mens-health/mens-health-issues/tips-on-how-to-prevent-problems-related-to-andropause/
လိင်မှုဘဝမှာ သက်လုံကောင်းစေဖို့ ကိုယ့်ရဲ့ လက်တွဲဖော်ကို ဘယ်လို ကူညီပေးမလဲ!	သင့်ရဲ့ လက်တွဲဖော်က ချစ်တင်းနှောရာမှာ သက်လုံကောင်းစေဖို့ ကြိုးပမ်းနေရပြီလား! ဒါဆိုရင်တော့ လိင်မှုဘဝမှာ သက်လုံကောင်းစေဖို့ ကိုယ့်ရဲ့ လက်တွဲဖော်ကို ဘယ်လို ကူညီပေးမလဲ! ဆိုတာကို ပြောပြပေးချင်ပါတယ်။လက်တွဲဖော် ၂ ဦးကြားမှာ သာယာတဲ့ ဆက်ဆံရေးကို ပိုင်ဆိုင်နိုင်စေဖို့ဆိုရင်တော့ သက်လုံကောင်းစေဖို့ လိုပါမယ်။ လက်တွဲဖော် ၂ ဦးမှာ တစ်ဦးဦးက သက်လုံ မကောင်းဘူးဆိုရင်ဖြစ်ဖြစ် ၂ ဦးစလုံး သက်လုံမကောင်းရင်ဖြစ်ဖြစ်ကောင်းမွန်ပျော်ရွှင်တဲ့ လိင်မှုဘဝကို ပိုင်ဆိုင်ဖို့ ခက်မှာပါ။ ဒါကြောင့် လိင်မှုဘဝမှာ သာယာစေဖို့ဆိုရင် သက်လုံကောင်းစေဖို့ လိုပါမယ်။လိင်မှုဘဝမှာ သက်လုံမကောင်းတာကို ဖြစ်စေနိုင်တဲ့ အချက်တွေကတော့ အများကြီးပါ။သက်လုံကောင်းစေဖို့က မာရသွန်ပြေးမှ ရေကူးမှကိုယ်လက်လှုပ်ရှားမှုတွေ လုပ်ဆောင်မှ လိုအပ်တာမျိုး မဟုတ်ပါဘူး။ လက်တွဲဖော် ၂ ဦးကြားက ကိုယ်လက်နှီးနှောမှု လုပ်ဆောင်ရာမှာလည်း သက်လုံကောင်းဖို့ လိုအပ်ပါမယ်။အိပ်ရာပေါ်မှာ သက်လုံမကောင်းတာက လက်တွဲဖော်ကို ပြည့်ဝတဲ့ သာယာမှုကို မပေးနိုင်ပါဘူး။ ဒီလိုနဲ့ ပျော်ရွှင်စရာကောင်းတဲ့ လိင်မှုဘဝကို ပိုင်ဆိုင်ဖို့ ခက်ခဲလာတာကြောင့် အမျိုးသား အများစုက လိင်မှုဘဝမှာ သက်လုံကောင်းစေဖို့ နည်းလမ်းတွေကို ရှာဖွေနေတတ်ပါတယ်။ ဒီတော့ လိင်မှုဘဝမှာ သက်လုံကောင်းစေဖို့ ကိုယ့်ရဲ့ လက်တွဲဖော်ကို ဘယ်လို ကူညီပေးမလဲ! ဆိုရင်တော့။အစပျိုးပါ။အစပျိုးမှုက အရေးပါပါတယ်။ အမျိုးသား တော်တော်များများ ယုံကြည်ထားတာကထိုးသွင်းဆက်ဆံမှုက လိင်မှုဘဝမှာ သာယာမှုကို ပေးစွမ်းနိုင်မယ့် အရေးပါတဲ့ အချက်တစ်ခုလို့ပေါ့။ တကယ်ကတော့ ထိုးသွင်း ဆက်ဆံမှုကို အဓိကထားနေတာက စိတ်ဖိစီးမှုကို ဖြစ်စေပြီး သက်လုံကောင်းမှုကို ထိခိုက်စေနိုင်ပါတယ်။တကယ်ကတော့ အမျိုးသားတွေမှာ သက်လုံကောင်းပြီး ပျော်ရွှင်ကြည်နူးစရာကောင်းတဲ့ ဆက်ဆံရေးကို ဖန်တီးဖို့ဆိုရင် အားမစိုက်ရဘဲ သာယာမှုကို ပေးစွမ်းနိုင်မယ့် နည်းလမ်းလေးတွေ ဖြစ်တဲ့ ထိတွေ့မှုလေးတွေ လုပ်ဆောင်တာ၊အနမ်းခြွေတာနဲ့ ပါးစပ်နဲ့ လိင်ဆက်ဆံတာမျိုးတွေကလည်း နည်းလမ်းကောင်းပါ။အစပျိုးမှုကို ကြာကြာလေး လုပ်ပေးနိုင်လေလေ အမျိုးသမီးတွေကိုလည်း စိတ်ကျေနပ်မှု ရစေပြီး အမျိုးသားတွေကိုလည်း သက်လုံကောင်းစွာနဲ့ သာယာတဲ့ အခိုက်အတန့်လေးကို ဖန်တီးနိုင်မှာပါ။ အမျိုးသမီးတွေရဲ့ဆန္ဒပြီးမြောက်မှုက ထိုးသွင်းမှုလုပ်မှ မဟုတ်ဘဲ အခြားအရာတွေကြောင့်လည်း ပြီးမြောက်နိုင်တယ်ဆိုတာကို သိထားဖို့ လိုပါမယ်။စတင်မယ် ခဏနားမယ် ဆိုတဲ့ နည်းလမ်းကို သုံးပါ။လိင်မှုဘဝမှာ သက်လုံကောင်းစေဖို့ အမျိုးသားတွေအနေနဲ့ အစပျိုးလိုက် ခဏနားလိုက် နည်းလမ်းကို သုံးတာ နည်းလမ်းကောင်းပါ။ ဒီနည်းလမ်းကို လုပ်ဆောင်ဖို့ အသက်ကို ဝဝ ရှူရင်းဖြည်းဖြည်းချင်း အစပျိုးဖို့လိုပါမယ်။ စိတ်အားထက်သန်မှုကို လျော့မသွားစေဘဲ သက်တောင့်သက်သာ ဖြစ်စွာနဲ့ ကိုယ်လက်နှီးနှောနိုင်စေဖို့ ကိုယ့်ရဲ့ လက်တွဲဖော်ကို လေဒီလေးတွေဘက်က ကူညီပေးဖို့လည်း လိုပါမယ်။အသစ်အဆန်းတွေကို စမ်းသပ်ပါ။နှစ်ကိုယ်ကြား ဆက်ဆံရေးမှာလည်း အသစ်အဆန်းလေးတွေကို ဖန်တီးဖို့ လိုအပ်ပါမယ်။ အမြဲလိုလို ဒီအခြေအနေကိုပဲ ကြုံတွေ့နေရတဲ့အခါ စိတ်လှုပ်ရှားမှု ကင်းမဲ့ပြီး စိတ်အားထက်သန်မှု မရှိသလောက်ဖြစ်လာပြီး သက်လုံကောင်းမှုကို ထိခိုက်စေမှာပါ။ဒါကြောင့် အသစ်အသစ်သော အရာတွေကို အတူ စမ်းသပ်တာမျိုး လုပ်ဆောင်ပေးတာအပြင် နှစ်ယောက်တည်း ခရီးသွားတာ၊ တစ်ဦးနဲ့ တစ်ဦး ပွင့်ပွင့်လင်းလင်း ပြောဆိုတာမျိုးတွေ လုပ်ဆောင်ပေးတာကလည်း တစ်ယောက်အကြောင်း တစ်ယောက် ပိုသိစေပြီး နှစ်ကိုယ်ကြား ဆက်ဆံရေးမှာ သက်လုံကောင်းစေဖို့ တစ်ယောက်နဲ့ တစ်ယောက် ကူညီပေးနိုင်မှာပါ။အစားအသောက်တွေကို ဂရုစိုက်ပါ။လင်မှုဘဝမှာ သက်လုံကောင်းစေဖို့အတွက် နေ့စဉ် စားသုံးမှုမှာ အစိမ်းရောင် ဟင်းသီးဟင်းရွက်တွေ၊ အခွံမာသီးတွေ၊ စွံပလွန်သီး၊ အိုမီဂါ သရီး ကြွယ်ဝတဲ့ အစားအစာတွေ ဖြစ်ကြတဲ့ ပင်လယ်ငါး၊ နို့ထွက်ပစ္စည်းတွေကို ပြင်ဆင်ပေးတာ၊ ဖရဲသီး၊ ချောကလက်၊ ကမာ စတာတွေကို ပြင်ဆင်ပေးတာ နည်းလမ်းကောင်းပါ။စိတ်ဖိစီးမှုကို ဖြေလျှော့ပါ။စိတ်ဖိစီးမှု များတာက အမျိုးသားမှာ လိင်တံထောင်မတ်မှုကို ထိခိုက်စေနိုင်ပါတယ်။ စိတ်ဖိစီးမှု များတာက လိင်မှုဘဝမှာ စိတ်အားထက်သန်မှု နည်းစေပြီး လိင်မှုဘဝမှာ သက်လုံမကောင်းတာမျိုး ဖြစ်စေနိုင်ပါတယ်။ ဒါကြောင့် ကိုယ့်ရဲ့ လက်တွဲဖော်ကို လိင်မှုဘဝမှာ သက်လုံကောင်းစေဖို့ ကူညီချင်တယ်ဆိုရင် စိတ်ဖိစီးမှုကို ပြေလျော့အောင် လုပ်ဆောင်ပေးပါ။အိပ်ရေးဝအောင် ဂရုစိုက်ပါ။အိပ်ရေးပျက်တာ များလာတာ ပြည့်ဝတဲ့ အိပ်စက်မှုကို မရရှိတာကလိင်မှုဘဝ သာယာမှုကို ထိခိုက်စေနိုင်ပါတယ်။ ညစဉ် အိပ်ချိန် ၇ နာရီ ကနေ ၉ နာရီလောက် နှစ်နှစ်ခြိုက်ခြိုက် အိပ်ပျော်မှ လိင်မှုဘဝမှာ သက်လုံကောင်းစေမှာပါ။ ဒါကြောင့် သာယာကြည်နူးစရာ ကောင်းတဲ့ ဆက်ဆံရေး ပိုင်ဆိုင်ဖို့ဆိုရင် ကိုယ်တိုင်ရော လက်တွဲဖော်ကိုပါ ပြည့်ဝတဲ့ အိပ်စက်ချိန် ရှိအောင် ဂရုစိုက်ပါ။ဒီနည်းလမ်းလေးတွေနဲ့ လက်တွဲဖော်ကို လိင်မှုဘဝမှာ သက်လုံကောင်းစေဖို့ ကူညီပေးလို့ ရပါတယ်။[embed-health-tool-ovulation]	sexual-wellness	sexual-wellness	https://hellosayarwon.com/sexual-wellness/sex-tips/is-your-partner-struggling-to-improve-sexual-stamina/
ကပ္ပာယ်အိတ် က နီညိုရောင်အဖုလေးတွေက ဘာလေးတွေလဲ။	တချို့ အမျိုးသားတွေရဲ့ ကပ္ပာယ်အိတ် မှာ နီညိုရောင် အဖုလေးတွေ ရှိနေတတ်ပါတယ်။ တချို့တွေမှာဆို ကပ္ပာယ်အိတ်အနှံ့ ရှိနေတာပါ။ ဘာလက္ခဏာမှ မပြပေမယ့် ဒါတွေက လိင်ကတဆင့် ကူးစက်တာလား ဒါမှမဟုတ် ကင်ဆာဖြစ်ချင်နေတာလားဆိုပြီး စိုးရိမ်တတ်ကြပါတယ်။ ဒီအဖုလေးတွေကိုAngiokeratoma: Of Fordyce လို့ ခေါ်ပါတယ်။Angiokeratoma ဆိုတာ ဆံချည်မျှင်သွေးကြောတွေ ပုံမှန်မဟုတ်ဘဲ ထုံးဖွဲ့နေတာပါ။ ဒီသွေးကြောထုံးတွေက အဖုအနေနဲ့ အရေပြားပေါ်မှာ ရှိနေတာပဲ ဖြစ်ပါတယ်။ Angiokeratoma က အမျိုးအစားတွေ အများကြီး ရှိပြီးကပ္ပာယ်အိတ်မှာ ရှိနေတာကိုတော့ Angiokeratoma : Of Fordyce လို့ ခေါ်ပါတယ်။၁၈၉၆ ခုနှစ်တုန်းက John Addison Fordyce ဆိုတဲ့ သူက အသက် ၆၀အမျိုးသားရဲ့ ကပ္ပာယ်အိတ်မှာ စပြီးတွေ့ခဲ့ရလို့ သူ့နာမည်ကို စွဲပြီး Angiokeratoma : Of Fordyce လို့ ခေါ်တာဖြစ်ပါတယ်။ အမျိုးသမီး မိန်းမကိုယ်နှုတ်ခမ်းသားမှာလည်း တွေ့ရတတ်ပေမယ့် အမျိုးသားတွေမှာ တွေ့ရတာက ပိုများပါတယ်။ဘာကြောင့်ဖြစ်ရတာလဲဆိုတာကိုတော့ အတိအကျ မပြောနိုင်ကြသေးပါဘူး။ တချို့ကလည်း သွေးပြန်ကြောတွေထဲမှာ ဖိအားများလာလို့လို့ ယူဆကြပါတယ်။ တချို့စာတမ်းတွေမှာဝှေးစေ့သွေးပြန်ကြောထုံးတဲ့ရောဂါ၊ မျိုးပွားအင်္ဂါ သွေးပြန်ကြောဖိအားကို များစေတဲ့အူကျတာ၊ ထိခိုက်ဒဏ်ရာကျတာ၊ အကျိတ်စတာတွေရှိရင် ဖြစ်တတ်တယ်လို့လည်း ပြောကြပါတယ်။တချို့ကလည်း ဝှေးစေ့သွေးပြန်ကြောထုံးတာနဲ့ ဒီနီညိုရောင်ဖုလေးတွေ ထွက်တာက တိုက်ဆိုင်မှုပဲ ဖြစ်တယ်လို့ ဆိုကြပါတယ်။ ဒီတော့ Angiokeratoma တွေက အကြောင်းအရင်းမရှိဘဲ သူ့အလိုလိုဖြစ်တတ်တယ်လို့ပဲ ပြောရမှာပါ။[embed-health-tool-bmi]	mens-health	mens-health	https://hellosayarwon.com/mens-health/penis-health/angiokeratoma-of-fordyce/
အမျိုးသမီး သုက်ရည် ဆိုတာ တကယ်ရှိသလား	အမျိုးသမီးတွေ ပြီးမြောက်တဲ့အခါ အမျိုးသားတွေလိုပဲ သုက်ရည်ထွက်တတ်သလား။ အမျိုးသမီး သုက်ရည် ဆိုတာ ဘယ်လိုမျိုးလဲ။ ပန်းထွက်တဲ့အရည်တွေကရော ဘာတွေလဲ။ ဆီးတွေလား။အမျိုးသမီးတွေ ပြီးမြောက်သွားတဲ့အခါ သာမန်အတိုင်းပဲ မိန်းမကိုယ်က အရည်တွေ ထွက်ကြတာ ရှိသလို ဆီးသွားသလို ပန်းထွက်တဲ့ အရည်တွေလည်း ရှိပါတယ်။ ဒီနှစ်ခုက ပြီးမြောက်ရင် ထွက်လာကြတယ်ဆိုပေမယ့် ထွက်တဲ့နေရာနဲ့ ပါဝင်ပစ္စည်းတွေ မတူပါဘူး။သာမန်အတိုင်း ပြီးမြောက်သွားတာကို Female ejaculation (FE)လို့ ခေါ် ပြီး ဆီးသွားသလို ပြီးမြောက်သွားတာကိုတော့ Squirting (SQ)လို့ ‌ခေါ်ပါတယ်။Female ejaculation (FE)ဆိုတာ။FEက အမျိုးသား သုက်ရည်နဲ့ ဆင်တူပါတယ်။ ခပ်ပျစ်ပျစ် အဖြူရောင်အရည်နဲ့ တွေ့ရတာ များပါတယ်။ ဒီအရည်က ဆီးပြွန်နားကSkene’s glandsလို့ခေါ်တဲ့ အမျိုးသမီးဆီးကျိတ်ကနေ ထွက်လာတာ ဖြစ်ပါတယ်။လေ့လာချက်တွေအရတော့ ဒီအရည်ထဲမှာ PSAလို့ခေါ်တဲ့ Prostatic acid phosphatase အင်ဇိုင်းပါပြီး သူက သုက်ကောင်လေးတွေရဲ့ လှုပ်ရှားမှုကို ကူညီပေးပါတယ်တဲ့။ ဒါ့ပြင် ဖရက်တို့စ်လို့ခေါ်တဲ့ သကြားဓာတ်လည်း ပါဝင်ပြီး ဒါကို သုက်ကောင်လေးတွေက အာဟာရအဖြစ်သုံးပါတယ်။Squirting (SQ)ဆိုတာ။Squirtingဆိုတာကလည်း ပြီးမြောက်ခြင်းတစ်မျိုးပါပဲ။ FEနဲ့ မတူတာက သူက ဆီးသွားသလိုသွားတာပါ။ ဆီးသွားသလိုဆိုပေမယ့် ထွက်လာတာ ဆီးတွေတော့ မဟုတ်ပါဘူး။ ဒါပေမယ့် ဆီးနဲ့ ပါဝင်တဲ့ပစ္စည်းတွေတော့ တူပါတယ်။ဘာလို့ အဲ့လိုဖြစ်ရတာလဲဆိုတော့ SQဖြစ်တဲ့အခါ ဆီးအိမ်ထဲက အရည်တွေ ထွက်လာလို့ပါ။ ဆီးပြွန်နဲ့ နံရံကို လှုံ့ဆော်လို့ အရည်တွေ ထွက်လာတာပါ။ ဆီးနဲ့ ပါဝင်ပစ္စည်းခြင်း တူပြီး တစ်ခါတရံ PSAပါ ပါတတ်ပါတယ်။ ဒါပေမယ့် ဆီးလို အဝါရောင် အရည်တွေတော့ မဟုတ်ပါဘူး။အမျိုးသားတွေထပ်စာရင်တော့ အမျိုးသမီး ပြီးမြောက်တာက နည်းကောင်းနည်းနိုင်ပါတယ်။ ဒါပေမယ့် အမျိုးသမီးတွေကြားမှာ ပြီးမြောက်တာ၊ ပန်းထွက်ပြီး ပြီးမြောက်တာတွေက မရှားပါဘူး။၂၀၁၇ခုနှစ်က လုပ်တဲ့ လေ့လာချက်တစ်ခုမှာ ပါဝင်သူတွေရဲ့ ၆၉ရာခိုင်နှုန်းက SQကို ကြုံဖူးတယ်လို့ ဆိုပါတယ်။အမျိုးသမီးတွေ သုက်ရည်ထွက်တာမှာ သီးခြားကောင်းကျိုးတော့ မရှိပါဘူး။၂၀၀၉ခုနှစ်က လုပ်ခဲ့တဲ့ သုတေသနမှာတော့ Skene’s glandsက ထွက်တဲ့ ဓာတုပစ္စည်းတွေက ပိုးသေစေတဲ့ သတ္တိရှိလို့ ဆီးပိုးဝင်တာကို လျှော့ချပေးနိုင်တယ်လို့ ဆိုပါတယ်။သူ့မှာသီးသန့် ကောင်းကျိုးမရှိပေမယ့် ပြီးမြောက်ရာကနေ ဖြစ်လာတဲ့ ကောင်းကျိုးတွေတော့ ရှိပါတယ်။ ပြီးမြောက်တဲ့အခါ စိတ်ခံစားမှုကောင်းစေတဲ့ ‌အောက်စီတိုစင်လိုမျိုး ဟော်မုန်းတွေ ထွက်လာတာကြောင့်။တနည်းအားဖြင့် ဒါက အမျိုးသမီးတွေ ပြီးမြောက်အောင် လှုံ့ဆော်တာနဲ့ အတူတူပါပဲ။ တစ်ခုရှိတာက ပြီးမြောက်တာခြင်း တူရင်တောင် FEဖြစ်မှာလား၊ SQဖြစ်မှာလားဆိုတာကတော့ ပြောရခက်ပါတယ်။အမျိုးသမီးတွေ ပြီးမြောက်အောင် လှုံ့ဆော်နိုင်တဲ့ နည်းလမ်းတချို့ကတော့။နောက်ပြီးချောဆီသုံးတာ၊ အတူမနေခင် ဆီးသွားထားတာကလည်း ပြီးမြောက်ဖို့ ကူညီပေးနိုင်ပါတယ်။အရေးကြီးဆုံးကတော့ လိင်ဆက်ဆံစဉ်တလျှောက် မိမိနဲ့ မိမိအဖော် အပြန်အလှန်ဆက်သွယ်ပြီး လိုအပ်တာတွေကို ဖွင့်ပြောနေဖို့ပါ။[embed-health-tool-ovulation]	sexual-wellness	sexual-wellness	https://hellosayarwon.com/sexual-wellness/sex-tips/does-female-ejaculate/
ခရီးသွားခြင်းနှင့် ခေါင်းမူးဝေခြင်း	အချို့သောသူတွေဟာ Vertigo တစ်နည်းအားဖြင့် ကားမူးခြင်း လို့ခေါ်တဲ့ မူးဝေခြင်းတွေကြောင့် ခရီးသွားဖို့အတွက် တွန့်ဆုတ်နေတတ်ပါတယ်။ မူးဝေခြင်းဟာ ခရီးထွက်ခြင်းရဲ့အရသာကို အပြည့်အဝခံစားရခြင်းရဲ့ အတားအဆီးတစ်ခုလို ဖြစ်နေပါတယ်။ ဒါကြောင့် ယခုဖော်ပြပါ စာတမ်းဟာ မူးဝေခြင်းနှင့်ပတ်သက်တဲ့ အကြောင်း အရာအချက်အလက် အပြည့်အစုံနှင့် သာယာဖြောင့်ဖြူးတဲ့ခရီးလမ်းကို သွားနိုင်ဖို့ ဘယ်လိုကြိုတင်ပြင်ဆင်သင့် ကြောင်း တွေကိုဖော်ပြပေးမှာဖြစ်ပါတယ်။Vertigo ဆိုတဲ့အသုံးအနှုန်းဟာ လက်တင်ဘာသာစကားကနေ ဆင်းသက်လာပြီး ‘to turn'(လည်ခြင်း) လို့အဓိပ္ပါယ်ရပါတယ်။ မူးဝေခြင်းကိုခံစားရပြီဆိုရင် လူတွေဟာ သူတို့ကိုယ်တိုင် ဒါမှမဟုတ် သူ့ပတ်ဝန်းကျင်တစ်ခုလုံး ချာချာလည်နေတယ်လို့ ပြောတတ်ကြပါတယ်။ ဒီဝေဒနာဟာ နားအတွင်းပိုင်း ပြသာနာကြောင့် ဖြစ်ရတာပါ။• Diziness – ဒီအမျိုးအစားဟာ တုန်ရီခြင်း၊ နောက်ကျိကျိဖြစ်ခြင်း၊ ဟန်ချက်မညီခြင်းတို့က ိုခံစားရတတ်ပါတယ်။ ချာချာလည်နေတာကိုလုံးဝမခံစားရပါ။• Beign Paroxysmal Positional Vertigo (BPPV) – ဒီအမျိုးအစားမှာ ခံစားရတဲ့သူ ကိုယ်တိုင်ချာချာလည်ခြင်း (သို့) ဦးခေါင်းအတွင်းပိုင်း ချာချာလည် နေခြင်းကို ခံစားရပါတယ်။• Meniere’s disease – ဒီအမျိုးအစားကတော့ နားအတွင်းပိုင်းရောဂါဖြစ်ပြီး ခံစားရတဲ့သူကိုယ်တိုင် ချာချာလည်အောင ်မူးခြင်းကို ခံစားရပါတယ်။မူးဝေခြင်း (Vertigo) မဖြစ်စေရန် ကြိုတင်ကာကွယ်ရမည့် အချက်များ။ခရီးစဉ်ကိုပြင်ဆင်နေသော အချိန်။• သင့်ရဲ့ဆရာဝန်နှင့်တိုင်ပင်ဆွေးနွေးပါ။ ခရီးမထွက်ခင်ကတည်းက မိမိခရီးစဉ်ကို လုံခြုံစိတ်ချစွာ ဖြတ်သန်းနိုင်ဖို့အတွက် သင့်ရဲ့ ဆရာဝန်သာလျှင်တိကျမှန်ကန်ပြီးလိုအပ်တဲ့ အကြံဉာဏ်နှင့် ကုသမှုကို ပေးစွမ်းနိုင်မှာဖြစ်ပါတယ်။• အဖော်တစ်ယောက်နှင့် အတူသွားပါ။ မူးဝေခြင်းကြောင့် အရေးပေါ်အခြေအနေဖြစ်ခဲ့မယ်ဆိုရင် သင့်ရဲဘေးမှာအဖော်တစ်ယောက် ရှိနေခြင်းဟာ သင့်အတွက်အကောင်းဆုံးပါ။• မိမိသွားမည့်နေရာမှာ လိုအပ်တဲ့ထောက်ပံ့မှုပစ္စည်းတွေ ရှိမရှိစစ်ဆေးပါ။ ဖြစ်နိုင်ရင် မိမိသွားမယ့်နေရာများ ကျန်းမာရေးဆေးပေးခန်း (သို့) ဆေးရုံဆေးခန်း (သို့) ဆေးဆိုင်အစ ရှိတဲ့ ကျန်းမာရေး အထောက်အပံ့ပေးနိုင်တဲ့ နေရာ ရှိမရှိစစ်ဆေးပါ။ ဒီလိုမှသာ အရေးပေါ်တစ်စုံတစ်ရာဖြစ်ခဲ့ရင် ဘယ်လို နေရာတွေကို သွားရမယ်ဆိုတာ သိနိုင်မှာဖြစ်ပါတယ်။• ဟန်ချက်မညီသော လှုပ်ရှားမှုတွေကို ရှောင်ရှားပါ။ သွားလိုတဲ့ခရီးကို ရောက်သွားတဲ့အခါမှာ သင်ကိုမူးဝေစေတတ်တဲ့ (သို့) ဟန်ချက်မညီဖြစ်စေတဲ့ အရာဝတ္တု ပစ္စည်းတွေကို သတိထားပါ။ သင့်ရဲ့ အခန်းထဲမှာ အတားအဆီးမရှိဘဲ နေနိုင်တာ အကောင်းဆုံးပါ။ (လိုအပ်ရင် အခန်းထဲရှိ မူးဝေစေနိုင်တဲ့ ပစ္စည်းများကိုဖယ်ပေးဖို့ (သို့) နေရာရွေ့ ပေးဖို့တောင်းဆိုပါ။) ဒါ့အပြင် ဓါတ်လှေကားစီးခြင်းဟာလည်း သင့်ကိုမူးေ၀ စေနိုင်တဲ့အတွက် သတိထားပါ။ခရီးသွားရန် အထုပ်အပိုး ပြင်ဆင်ချိန်။• လိုအပ်သောဆေးဝါးများကို ယူဆောင်သွားပါ။ ခရီးသွားနေစဉ် အကြောင်းအရင်းမရှိဘဲ သင့်ဆရာဝန်နှင့် တွေ့ဖြစ်မှာမဟုတ်ပါ။ ဒါကြောင့် ခရီးသွားနေစဉ် သင့်အတွက် လိုအပ်တဲ့ ဆေးဝါးများကို အမြဲယူဆောင်သွားပါ။• သင့်ဆရာဝန်၏ ဆေးစာမှတ်တမ်းကို ယူဆောင်သွားပါ။ သင့်ရဲ့ရောဂါအခြေအနေကို ဖော်ပြရာမှာ သင်ရဲ့ ဆရာဝန်ရဲ့ ဆေးစာမှတ်တမ်းကို သက်ဆိုင်ရာတာဝန်ရှိ သူနှင့် ဝန်ထမ်းတွေကို ပြသတာဟာ အကောင်းဆုံးပါ။• နေကာမျက်မှန်တပ်ဆင်ပါ။ အတားအဆီးတစ်ခုခုနှင့် ကြုံလာရင် နေကာမျက်မှန်တပ်ခြင်းဟာ မူးဝေခြင်းနှင့် မသက်မသာဖြစ်ခြင်းကို ကာကွယ်ပေးနိုင်မှာ ဖြစ်ပါတယ်။• ဖိနပ်ရွေးချယ်ခြင်းနှင့်လမ်းလျှောက်ရန် လိုအပ်သော အသုံးအဆောင်များ။ခရီးသွားစဉ် ဒေါက်မြင့် ဖိနပ်စီးမယ့်အစား အားကစားဖိနပ်စီးတာဟာ သင့်ကို သက်တောင့်သက်သာ ဖြစ်စေပါတယ်။ ဒါ့အပြင် လမ်းအကြာကြီး လျှောက်ရမယ် (သို့) ကြာရှည်စွာ မတ်တပ်ရပ်ရမယ်ဆိုရင် လမ်းလျှောက်တုတ်ကို အသုံးပြုခြင်းဟာ သင့်အတွက် အထောက်အကူဖြစ်စေပါတယ်။• ခရီးသွား အာမခံ စာရွက်စာတမ်းများ။နဂိုကတည်းက ခရီးသွားစဉ် Vertigo ခံစားဖူးသူများအတွက် အာမခံစာရွက်စာတမ်းများကို ကိုယ်နှင့် မကွာယူဆောင်ဖို့ အရေးကြီးပါတယ်။ခရီးသွားနေစဉ်။Vertigo ဖြစ်စေမည့်လှုပ်ရှားသွားလာမှုများ ဥပမာ – ရေငုပ်ခြင်း (သို့) တောင်တက်ခြင်း ကိုရှောင်ကြဉ်ပါ။ ကားမူးခြင်း အတွက်ဆိုရင် သင့်ရထား ဘူတာရုံမှာ ခဏတာရပ်နားနေချိန်မှာ ရထားပေါ်မှ ခဏဆင်းပြီး မြေကြီးပေါ်မှာ ရပ်နိုင်အောင်ကြိုးစားပါ။ ရေလမ်းခရီးသွားစဉ် မူးဝေရင် မိုးကုပ်စက်ဝိုင်း ကိုစူးစိုက်ကြည့်နေခြင်းဟာသင့်ကိုအထောက် အကူဖြစ်စေပါတယ်။ အစားအသောက်များပြည့်အင့်စွာ စားသောက်ခြင်းကို ရှောင်ရှားပါ။ မိမိကိုယ်ကို ရေဓါတ်ပြည့်ဝအောင်နေပြီး ခရင်မ် ပါသော အစားအသောက်များနှင့် ချောကလက်ဖျော်ရည် (အပူအအေး) တို့ကို ရှောင်ကြဉ်ပါ။Hello Health Group သည် ဆေးပညာအကြံပြုချက်များ၊ ရောဂါရှာဖွေမှုများနှင့် ကုသမှုများကို မပြုလုပ်ပေးပါ။[embed-health-tool-bmi]	brain-ns	brain-ns	https://hellosayarwon.com/brain-ns/other-brain-ns-issues/%e1%80%81%e1%80%9b%e1%80%ae%e1%80%b8%e1%80%9e%e1%80%bd%e1%80%ac%e1%80%b8%e1%80%81%e1%80%bc%e1%80%84%e1%80%ba%e1%80%b8%e1%80%94%e1%80%be%e1%80%84%e1%80%b7%e1%80%ba-%e1%80%81%e1%80%b1%e1%80%ab%e1%80%84/
အိပ်ရေးပျက်ခံ၊ အလုပ်လုပ်တတ်တဲ့ ကိုယ်ဝန်ဆောင် တွေ ပျက်ကျနိုင်ခြေပိုများ	တစ်ပတ်မှာ အနည်းဆုံး နှစ်ညလောက်အိပ်ရေးပျက်ခံ၊ အလုပ်လုပ်တတ်တဲ့ ကိုယ်ဝန်ဆောင် အမျိုးသမီးတွေဟာ နောက် ၇ ရက်အတွင်းမှာ ကလေးပျက်ကျနိုင်ခြေပိုများတယ်လို့ ဥရောပသုတေသနတစ်ခုက သတိပေးခဲ့ပါတယ်။ကိုယ်ဝန်ဆောင်ချိန်မှာ မိခင်နဲ့ကလေးရဲ့ကျန်းမာရေးအတွက် အိပ်ရေးဝဖို့၊ အစာအာဟာရပြည့်ဝလုံလောက်ဖို့ အရေးကြီးတာ အမှန်ပါပဲ။ သန္ဓေသားရဲ့ ကြီးထွားဖွံ့ဖြိုးမှုကို အားဖြည့်ဖို့နဲ့ မွေးဖွားရလွယ်စေဖို့ မိခင်ကျန်းမာရေးကို ပုံမှန်ထက်ပိုပြီးဂရုစိုက်ရမှာပါ။မိခင် ဒါမှမဟုတ် ကလေးရဲ့ မျိုးရိုးဗီဇမှာ ချို့ယွင်းချက်ရှိနေခဲ့ရင် ကိုယ်ဝန်ပျက်ကျဖို့ နီးစပ်ပါတယ်။ ပထမသုံးလပတ်အတွင်း ပျက်ကျမှုတွေရဲ့ ၇၀ ရာခိုင်နှုန်းက သန္ဓေသားရဲ့ မျိုးရိုးဗီဇ ချို့ယွင်းမှုကြောင့် ဖြစ်ပါတယ်။သွေးချို ဆီးချိုရောဂါ၊ လည်ပင်းအကျိတ်ရောဂါ၊ နှလုံးရောဂါ နဲ့ သားအိမ်တွင်းပိုးဝင်ရောင်ရမ်းခြင်းတို့လို ရောဂါတွေကြောင့် သားအိမ်ဆီ သွေးစီးဆင်းမှုကို နည်းပါးစေပြီး ကိုယ်ဝန်ပျက်ကျစေပါတယ်။ကိုယ်ခံအားစနစ် တုံ့ပြန်လွန်းတာ ဒါမှမဟုတ် အားနည်းလွန်းတဲ့ အခြေအနေတွေမှာ ကိုယ်ဝန်ကို သားအိမ်က လက်မခံနိုင်စေတဲ့အတွက် မကြာခဏကိုယ်ဝန်ပျက်ကျတတ်ပါတယ်။ဟော်မုန်းဓာတ်တွေဟာ ကိုယ်ဝန်ရယူဖို့ ၊ တည်မြဲဖို့အတွက် သိပ်အရေးကြီးပါတယ်။ ဥပမာ အချင်းကနေ ထုတ်လွတ်ပေးတဲ့ ပရိုဂျက်စရုန်း ဟော်မုန်းဟာ သားအိမ်နံရံ ကြံ့ခိုင်မှုအတွက်အရေးပါပါတယ်။ ဒါ့ကြောင့် မိမိခန္ဓာကိုယ်မှာသာ ပရိုဂျက်စရုန်း ဟော်မုန်းဓာတ် နည်းပါးနေမယ်ဆိုရင်ကိုယ်ဝန် ပျက်ကျနိုင်ခြေများပါတယ်။အချင်းရဲ့ တည်နေရာမမှန်ခြင်း နဲ့ သားအိမ်ခေါင်းပျော့ပြီး အဝကျယ်နေခြင်း စတဲ့အခြေအနေတွေက ကိုယ်ဝန်ပျက်ကျစေပါတယ်။ အချင်းနဲ့ ပတ်သက်ပြီး ပြဿနာတစ်ခုခု ရှိနေခဲ့မယ်ဆိုရင် သန္ဓေသားသွေး ရရှိမှု လုံလောက်မှာမဟုတ်ပါဘူး။ဆေးလိပ်၊ အရက်၊ မူးယစ်ဆေးဝါးသုံးစွဲခြင်းနဲ့ ပတ်ဝန်းကျင်က အဆိပ်အတောက် စတာတွေဟာ သန္ဓေသားဆီကို သွေးပို့လွှတ်မှုနည်းစေလို့ ကြီးထွားမှုကို နှေးကွေးစေပါတယ်။ ဒါ့ကြောင့် ကိုယ်ဝန်ဆောင်ပြီဆိုရင် ဒီအရာတွေကို ရှောင်ကြဉ်ဖို့လိုပါတယ်။ကလေးပျက်ကျနိုင်တဲ့အကြောင်းရင်းတွေထဲမှာ ကိုယ်ဝန်ဆောင် တဲ့အချိန်မိခင်လောင်းအမျိုးသမီးရဲ့ အသက်အရွယ်နဲ့လည်း သက်ဆိုင်ပါတယ်။ လေ့လာမှုတွေအရ –။အိပ်ရေးပျက်ခံ၊ အလုပ်လုပ်တတ်တဲ့ ကိုယ်ဝန်ဆောင် တွေ ပျက်ကျနိုင်ခြေပိုများ တယ်ဆိုတဲ့ ဒီသုတေသနကိုတော့ ဒိန်းမတ်နိုင်ငံ Copenhagen ရှိ Bispebjerg and Frederiksberg Hospital မှ သုတေသီအဖွဲ့က လေ့လာတွေ့ရှိခဲ့တာပါ။ကိုယ်ဝန်ဆောင်အမျိုးသမီး ၂၃၀၀၀ နီးပါးရဲ့ အချက်အလက်တွေအရ ညဘက်အလုပ်လုပ်ခြင်းက ကိုယ်ဝန်၄ပတ်နဲ့ ၂၂ ပတ်အတွင်းမှာ ကိုယ်ဝန်ပျက်ကျမှုဖြစ်နိုင်ခြေကို ဘယ်လိုသက်ရောက်မှုရှိလဲဆိုတာလေ့လာဆန်းစစ်ခဲ့ကြပါတယ်။အရင်သီတင်းပတ်က နှစ်ညနဲ့အထက် အိပ်ရေးပျက်ခံ၊ အလုပ်လုပ်တတ်တဲ့ ကိုယ်ဝန်ဆောင် တွေဟာ ကိုယ်ဝန် ၈ ပတ်နောက်ပိုင်းမှာ တခြားကိုယ်ဝန်ဆောင်တွေထက် ပျက်ကျနိုင်တဲ့အန္တရာယ် ၃၂ ရာခိုင်နှုန်းပိုများတာကိုတွေ့ရပါတယ်။တစ်ပတ်အတွင်းညဘက်အလုပ်လုပ်တဲ့အကြိမ်ရေပိုများလေ ဒီအန္တရာယ်ပိုများလေဖြစ်ပြီး ရက်တွေဆက်တိုက်ဖြစ်ရင်လည်း အန္တရာယ်ပိုများတယ်လို့ Occupational & Environmental Medicine ဂျာနယ်မှာ သုတေသနကဖော်ပြခဲ့ပါတယ်။ညဘက်အလုပ်လုပ်တဲ့အခါ အလင်းရောင်ထိတွေ့မှုက ကိုယ်ဝန်ဆောင်အမျိုးသမီးရဲ့ ဇီဝနာရီကို အနှောင့်အယှက်ဖြစ်စေပြီး melatonin ထုတ်လုပ်မှုကိုလျော့နည်းစေနိုင်တယ်လို့ သုတေသီတွေကပြောပါတယ်။Melatonin ဟာ ကိုယ်ဝန်ဆောင်ကာလမှာ အရေးပါတဲ့နေရာက အကျိုးပြုနေတာဖြစ်ပြီး အချင်းရဲ့လုပ်ဆောင်ချက်ကို ထိန်းညှိပေးတာဖြစ်ပါတယ်။ဒီလေ့လာချက်က မပြည့်စုံသေးပါဘူး။ အိပ်ရေးပျက်တာက ကိုယ်ဝန်ပျက်တာနဲ့ ဆက်စပ်နေတယ်လို့ပဲ ပြောနိုင်ပြီး ဖြစ်စေတယ်လို့ အတိအကျ မပြောနိုင်သေးပါဘူး။ နောက်ပြီး ကိုယ်ဝန်နုချိန်မှာ ပျက်ကျတဲ့ ဒေတာတွေလည်း အပြည့်အစုံမရထားပါဘူး။ ဒါကြောင့် ဆက်လက်လေ့လာဖို့ လိုပါသေးတယ်။ဒါပေမဲ့ အိပ်ရေးပျက်တတ်တဲ့ ကိုယ်ဝန်ဆောင်တွေအတွက်တော့ သတိထားစရာဖြစ်စေပါတယ်။[embed-health-tool-due-date]	pregnancy	being-pregnant	https://hellosayarwon.com/pregnancy/being-pregnant/prenatal-care/miscarriage-and-lack-of-sleep-in-pregnancy/
ကွန်ဒုံးပေါက်မပေါက် ဘယ်လိုသိနိုင်မလဲ	စုံတွဲတွေ အတူနေပြီးတဲ့အချိန်တိုင်း ဖြစ်တတ်တဲ့ သံသယကတော့ ကွန်ဒုံးပေါက်သွားပြီလား မသိဘူးနော်ဆိုတာပါပဲ။ ကိုယ်ဝန်မလိုချင်သေးတဲ့ အတွဲတွေဆို ပိုဆိုးပါတယ်။ မလိုချင်လို့ ကွန်ဒုံးသုံးကာမှ ကွန်ဒုံးပေါက်သွားလို့ ကိုယ်ဝန်ရသွားခဲ့ရင်ဆိုတဲ့ စိတ်ကြီးက ဖိစီးနေမှာပါ။ ဒီတော့ ကွန်ဒုံးပေါက်မပေါက် ဘယ်လိုသိနိုင်မလဲ။ စမ်းကြည့်လို့ရော ရမလားဆိုတာကို ပြောပြပေးပါမယ်။ကွန်ဒုံးက မသုံးရသေးခင်မှာလည်း ပေါက်နိုင်သလို သုံးပြီးချိန်မှာလည်း ‌ပေါက်နိုင်ပါတယ်။ မသုံးရသေးခင်မှာ ပေါက်နိုင်တဲ့ အခြေအနေတွေကတော့။သုံးပြီးချိန်မှာ ပေါက်တာတွေကတော့ ကိုယ်သုံးတဲ့ ပုံစံ မမှန်လို့ပါ။ ဥပမာ။ကွန်ဒုံးပေါက်သွားမှန်းကို အရင်သိတာကတော့ ကွန်ဒုံးစွပ်ထားတဲ့သူပါ။ ကိုယ့်ရဲ့ ပါတနာကတော့ သိချင်မှ သိမှာပါ။ ကွန်ဒုံးပေါက်သွားတဲ့အခါ တစ်ခုခု ပြဲသွား ဒါမှမဟုတ် ပေါက်သွားတဲ့ ခံစားချက်မျိုး ရတတ်ပါတယ်။ ဒါမှမဟုတ် သုံးနေရင်းနဲ့ တစ်ခုခု ခံစားချက်ပြောင်းသွားတာကို သတိထားမိနိုင်ပါတယ်။တကယ်လို့ ဘယ်လိုခံစားချက်လဲမသိဘူးဆိုရင် ကွန်ဒုံးစွပ်ပြီး အာသာဖြေကြည့်ပါ။ ပြီးရင် ကွန်ဒုံးကို ဖောက် ဒါမှမဟုတ် ဖြဲပြီး ဆက်လုပ်ကြည့်ပါ။ ခံစားချက်ကွာတာကို သတိထားမိမှာပါ။ဒါဆိုရင် ကွန်ဒုံးပေါက်မပေါက် ကြိုစစ်သင့်သလား။ အတူမနေခင်ဖြစ်ဖြစ်၊ အတူနေပြီးချိန်ဖြစ်ဖြစ်ပေါ့။လက်တွေ့မှာတော့ နှစ်ခုလုံးကို လုပ်လေ့မရှိပါဘူး။ လုပ်လည်း မလုပ်သင့်ပါဘူး။ ဘာကြောင့်လဲဆိုတာ ပြောပြပါ့မယ်။အတူမနေခင်မှာ တချို့က ကွန်ဒုံးကို ရေထည့်ကြည့်တာ၊ လေနဲ့မှုတ်သွင်းကြည့်တာတွေ လုပ်တတ်ပါတယ်။ အဲ့လိုလုပ်တာက သူ့ဟာသူ ကောင်းနေတဲ့ ကွန်ဒုံးကို ပျက်စီးစေ၊ ပေါက်ပြဲစေပါလိမ့်မယ်။ အပေါက်အပြဲလေး သေးသေးလေး ဖြစ်သွားရင်တောင် ဒီကွန်ဒုံးက သုံးဖို့ မသင့်တော့ဘူးလေ။နောက်တစ်ခုက အတူနေပြီးချိန်မှာ စစ်တာ။ ဒါကလည်း အလားတူပါပဲ။ သုံးပြီးသား ကွန်ဒုံးကို လေနဲ့ မှုတ်ကြည့်တာက အခန့်မသင့်ရင် ကူးစက်ရောဂါတွေ ရနိုင်ပါတယ်။ရေနဲ့လည်း ထည့်ပြီး မစမ်းပါနဲ့။ ခုနကပြောသလို ပေါက်နိုင်တာကြောင့် ရေကြောင့် ပေါက်တာလား။ နဂိုတည်းက ပေါက်နေတာလားဆိုတာ ခွဲရခက်ပါတယ်။ တကယ်သာ ပေါက်တယ်ဆိုရင် မိန်းမကိုယ် သို့ စအိုထဲကနေ ကွန်ဒုံးကို ထုတ်လိုက်တည်းက သုက်ရည်တွေ ထွက်နေတာကို တွေ့ရမှာပါ။ကွန်ဒုံးတွေက ပေါက်နိုင်ခြေရှိတယ်လည်း ပြောသေး၊ ကွန်ဒုံး ပေါက်မပေါက် ကြိုမစစ်ရဘူးလည်းပြောသေးဆိုတော့ နည်းနည်းတော့ ကသိကအောက် ဖြစ်မှာပါ။ တကယ်တော့ ကွန်ဒုံး‌တွေက စျေးကွက်ထဲကို မရောက်ခင်မှာတည်းကအကြိမ်ကြိမ်အခါခါ စစ်ထားပြီးသားပါ။ ကိုယ့်ရဲ့ သုံးပုံသုံးနည်း၊ သိမ်းပုံသိမ်းနည်းသာ မှန်ရင် ပေါက်နိုင်ခြေ အင်မတန် နည်းပါတယ်။ကွန်ဒုံးပေါက်တာက မတော်တဆ ဆိုတာထက်ကိုယ်အသုံးပြုတဲ့ပုံနဲ့လည်း ဆိုင်ပါတယ်။ ကွန်ဒုံးမပေါက်စေဖို့။ကွန်ဒုံးသုံးတဲ့အခါမှာလည်း။ဒါဆို ကွန်ဒုံးပေါက်နိုင်ခြေ နည်းသွားပါပြီ။တကယ်လို့များ အကြောင်းအမျိုးမျိုးကြောင့် ကွန်ဒုံးပေါက်သွားခဲ့ရင်လည်း မလန့်ပါနဲ့။ အရင်ဆုံး ပေါက်နေတဲ့ ကွန်ဒုံးကိုဖယ်ပြီး အသစ်သုံးပါ။ လိင်မှုကိစ္စပြီးသွားပြီဆိုရင်တော့ ကိုယ်ဝန်တားဖို့နဲ့ လိင်ကတဆင့် ကူးစက်ရောဂါတွေကို ကာကွယ်ဖို့ လုပ်ရတော့မှာပါ။ကိုယ်နေတဲ့ ရက်က သားဥကြွေတဲ့ ရက်နဲ့ဝေးတယ်။ ကိုယ်ဝန်မရနိုင်တဲ့ရက်ဖြစ်မယ်ဆိုရင်တော့အရေးပေါ်တားဆေးသောက်စရာမလိုပါဘူး။ တကယ်လို့ ကိုယ်က ရာသီမမှန်ဘူး၊ သားဥကြွေတဲ့ရက်နား နီးနေရင်တော့ သောက်ဖို့ လိုပါတယ်။အတူနေပြီး ၇၂နာရီကနေ ၅ရက်အထိ သောက်လို့ရပါတယ်။ စောစောသောက်လေ အာနိသင်ကောင်းလေလေပါ။HIVအပါအဝင်လိင်မှတဆင့် ကူးစက်ရောဂါများအတွက်ကတော့ နီးစပ်ရာ ဆေးခန်း ဒါမှမဟုတ် HIVဆေးခန်းတွေမှာ ပြသပြီး ဆေးစစ်ဖို့ တိုင်ပင်နိုင်ပါတယ်။ ကိုယ့်ကိုယ်ကို HIVကူးသွားပြီလို့ သံသယရှိတယ်ဆိုရင် နီးစပ်ရာဆေးရုံဆေးခန်းမှာ သွားရောက်တိုင်ပင်ပါ။ လိုအပ်ရင်Post exposure prophylaxisအတွက် ဆေးသောက်ရပါလိမ့်မယ်။ကွန်ဒုံးတွေက ပေါက်ခဲပါတယ်။ ကိုယ့်ရဲ့ အသုံးပြုပုံနဲ့ သိမ်းဆည်းပုံ မမှန်တာတွေကြောင့် ပေါက်တာ များပါတယ်။ တကယ်လို့ မတော်တဆပေါက်သွားခဲ့ရင်လည်း မလန့်ပါနဲ့။ တည်တည်ငြိမ်ငြိမ်နဲ့ ကိုယ်လုပ်စရာရှိတာတွေကို ဆက်လုပ်သွားရင် ကိုယ်ဝန်နဲ့ ကူးစက်ရောဂါတွေကို တားဆီးနိုင်မှာပါ။[embed-health-tool-ovulation]	sexual-wellness	sexual-wellness	https://hellosayarwon.com/sexual-wellness/contraception-sexual-wellness/how-to-know-condom-brekage/
ဘယ်အရာက ဇက်ကြောတက်ခြင်းကို ဖြစ်စေသလဲ	ဇက်ကြောတက်ခြင်းဆိုတာ အဖြစ်များပါတယ်။ တော်တော်လေးလည်း စိတ်မသက်မသာ ဖြစ်စေပါတယ်။ ခေါင်းကနေစပြီး ပခုံးတစ်လျောက်ထိကို နာနေတာပါ။ ထိုပြဿနာရဲ့ ရောဂါရင်းမြစ်ကို သင်သိချင်နေမှာပါပေါ့။ ဒါပေါ့ ယခုဖော်ပြမယ့် ဆောင်းပါးလေးကို ဖတ်ရှုလိုက်ရင် သင်သိရမှာပါ။ ကဲ …. ဘယ်အရာက ဇက်ကြောတက်ခြင်းကို ဖြစ်စေသလဲ ဆိုတာကို ဆက်ကြည့်လိုက်ရအောင်နော်။ဘယ်အရာက ဇက်ကြောတက်ခြင်းကို ဖြစ်စေသလဲ ဆိုတော့။ဇက်ကြောလွဲခြင်းနှင့် ဇက်ကိုအသုံးများခြင်း။ထိုကိစ္စတွေကတော့ ဇက်ကြောတက်ခြင်းကို အများဆုံးဖြစ်စေတဲ့ အကြောင်းအရင်းတွေပါ။ ရက်အနည်းငယ် ဒါမှမဟုတ် သီတင်းပတ်အနည်းငယ်အတွင်းမှာ ကုသစရာ မလိုဘဲ သက်သာပျောက်ကင်းသွားနိုင်ပါတယ်။ အထက်ပါကိစ္စတွေကို အောက်ပါတို့က အများဆုံးဖြစ်စေပါတယ်။အိပ်ရာနိုးတဲ့ အချိန်မှာ ဇက်တောင့်ပြီး နာကျင်နေတာ အဖြစ်များပါတယ်။ ဘာကြောင့်လဲဆိုတော့ သင်ဟာ တစ်ညလုံး ကိုယ်နေကိုယ်ထားမမှန်ကန်ပဲ အိပ်လိုက်လို့ပဲ ဖြစ်ပါတယ်။ သင့်တော်မယ့် ခေါင်းအုံး၊ အိပ်ရာတွေ အသုံးပြုခြင်းက ထိုသို့သော အခြေအနေမျိုးမှာ တော်တော်လေးအသုံးဝင်မှာပါ။လည်ပင်းကိုဆတ်ကနဲလှည့်လိုက်တာကြောင့်လည်းကောင်း၊ အားကစားလုပ်ခြင်းကြောင့်လည်းကောင်း၊ မတော်တဆတွေကြောင့်လည်းကောင်း ဇက်နာနိုင်ပါတယ်။ အားကစားကြောင့် လည်ပင်းရှိ အာရုံကြောများ ထိခိုက်ခံရပြီး လည်ပင်း၊ လက်နဲ့ ပခုံးတို့မှာ နာကျင်ခြင်း၊ ထုံခြင်း၊ အားနည်းခြင်းတို့ ခံစားရနိုင်ပါတယ်။မတော်တဆမှုတွေကြောင့် လည်ပင်းရှေ့သို့၊နောက်သို့ ၊ ဘေးသို့ တွန်းခံ၊ဆွဲခံလိုက်ရနိုင်ပါတယ်။ ဇက်ကို ဆွဲဆန့်လိုက်သလိုဖြစ်သွားပြီး အရွတ်များ ထိခိုက်ဒဏ်ရာ ရသွားပါတယ်။ ဒါကြောင့် ဇက်နာခြင်း၊ဇက်တောင့်တင်းခြင်းနဲ့ လှုပ်ရှားရခက်ခဲခြင်းတို့ ခံစားလာရနိုင်ပါတယ်။ကိုယ်နေကိုယ်ထား မမှန်ကန်ခြင်းက ဇက်ကြောတက်စေနိုင်ပါတယ်။ အိမ်တို့ အလုပ်တို့မှာ သင်ကိုယ်အနေအထား အမှားဖြင့် နေထိုင်နေနိုင်ပါတယ်။ ခေါင်းကိုရှေ့သို့ စိုက်လိုက်ပြီး ကိုယ်မှာရှိနေတဲ့ ကမ္ဘာဆွဲအားဗဟိုချက်ကို ပြောင်းလဲလိုက်တဲ့ အခါမှာ ခေါင်းကိုထိန်းထားနိုင်ဖို့ ကြွက်သားနဲ့ အရွတ်တို့က ပိုမိုအလုပ်လုပ်ရပါတယ်။ကွန်ပျူတာရှေ့ထိုင်ခြင်း၊ ဖုန်းသုံးခြင်း၊ တီဗီကြည့်ခြင်း၊ စာအုပ်ဖတ်ခြင်းနှင့် ကားမောင်းခြင်းတို့က မကောင်းတဲ့ ကိုယ်အနေအထားတွေပါ။ ထိုအရာများကို အချိန်ကာလကြာမြင့်စွာ ပြုလုပ်နေမယ်ဆိုရင်တော့ ဇက်ကြောတွေ နာကျင်လာပါလိမ့်မယ်။ကခုန်ခြင်းနဲ့ ရေကူးခြင်းလိုမျိုး ထပ်ခါထပ်ခါ ပြုလုပ်နေရတဲ့ လှုပ်ရှားမှုတွေကလည်ပင်းရှိကြွက်သားနဲ့ တစ်ရှုးတွေကို အလုပ်ပိုလုပ်ရစေပါတယ်။လည်ပင်းရောဂါများ။ပျက်စီးဆုံးရှုံးခြင်းနှင့် ကျွံကျမှုတွေလိုမျိုး လည်ပင်းရိုးရောဂါတွေကြောင့် ဇက်ကြောနာနိုင်ပါတယ်။ ထိုပြဿနာတွေက နာတာရှည်နာကျင်ခြင်းကို ဖြစ်ပေါ်စေနိုင်ပါတယ်။အသက်ကြီးလာတာကြောင့် ကျောရိုးမကြားခံ အပြားလေးတွေဟာ ရေဓါတ်ခန်းခြောက်ပြီး ပွတ်တိုက်မှုတွေကို ကြားခံအဖြစ် အလုပ်လုပ်နိုင်မှု လျော့ကျသွားပါတယ်။ အဲဒီအခါမှာအရိုးတွေတစ်ခုနဲ့တစ်ခု ပွတ်တိုက်လာပါတယ်။ အနီးနားရှိ အာရုံကြောများ လှုံ့ဆော်ခံရခြင်း၊ အရိုးနုပြားပေါက်ပြီးကျွံကျသွားခြင်းနဲ့ အဆစ်ရောင်နာများ ဖြစ်ပေါ်လာနိုင်ပါတယ်။ပြဲစုတ်ခြင်းကြောင့် ယင်းအရိုးနုပြားရဲ့ နူးညံ့တဲ့အပိုင်းက တောင့်တင်းတဲ့ အပြင်ဖက်ပိုင်းကနေ ကျွံထွက်သွားတာကြောင့် အာရုံကြောတို့ကိုဖိနိုင်သလို ရောင်ရမ်းခြင်းကို ဖြစ်စေတဲ့ ပရိုတင်းတွေကလည်းအာရုံကြောတွေကို သွားပြီး လှုံဆော်နိုင်ပါတယ်။လည်ပင်းကြောရိုးမကြီးမှာရှိတဲ့ အရိုးနုပြားက သိပ်ပြီးမကြီးလှပါဘူး ပြီးတော့ အာရုံကြောတွေအတွက် နေရာကလည်း လိုတာထက်ပိုနေပါသေးတယ်။ ဒါကြောင့် အနည်းငယ်လေးကျွံထွက်တာတောင်မှအာရုံကြောတွေကို သွားပြီး ဒုက္ခပေးနိုင်ပါတယ်။ထိုရောဂါကို လည်ပင်းအရိုးအဆစ်ရောင်နာလို့လည်း ခေါ်ပါတယ်။ အဆစ်တွေကြားမှာရှိတဲ့အရိုးနုတွေပျက်စီးသွားတာပါ။ အဲဒီအခါမှာ အရိုးတွေဟာ တစ်ခုအပေါ်တစ်ခု ပွတ်တိုက်ကြိတ်ချေလာပါတယ်။ ရောင်ရမ်းခြင်းကြောင့် အဆစ်တွေကြီးလာပြီး အာရုံကြောတွေကို ဒုက္ခသွားပေးပါတယ်။ကြောရိုးခေါင်းပေါက်ကျဉ်းသွားတဲ့အခါမှာ Cervical Stenosis ဖြစ်လာပါတယ်။ ကြားခံအရိုးနုပြားကျွံထွက်ခြင်းနဲ့ အရိုးအတက်ထွက်ခြင်းတို့ကြောင့် ဖြစ်နိုင်ပါတယ်။ အဲဒါကပဲ ကြောရိုးမအခေါင်းပေါက်ထဲမှာ သွားနေတဲ့ အာရုံးကြောတွေကို ဒုက္ခသွားပေးပါတယ်။ လည်ပင်းမှာ စနာကျင်လာနိုင်ပြီး လက်၊ လက်ဖဝါးနဲ့ လက်ချောင်းလေးတွေထိပါ ပြန့်နှံ့သွားနိုင်ပါတယ်။စာရိုက်နေစဉ် ကိုယ်နေကိုယ်ထားမမှန်ကန်ခြင်း၊ အားကစားဒဏ်တွေလိုမျိုး နေ့စဉ်လုပ်ငန်းဆောင်တာများနှင့် အရိုးနုပြားပျက်စီးခြင်းနဲ့ ကျွံထွက်ခြင်းကဲ့သို့ လည်ပင်းရိုးရောဂါများကြောင့် ဇက်ကြောများနာကျင်နိုင်ပါတယ်။ ဆရာဝန်က ရောဂါရင်းမြစ်တွေကို ရှာဖွေပြီး ကုသပေးပါလိမ့်မယ်။[embed-health-tool-bmi]	orthopedics-musculoskeletal	orthopedics-musculoskeletal	https://hellosayarwon.com/orthopedics-musculoskeletal/musculoskeletal-pain/neck-pain-causes/
အသက်က ငယ်ငယ် ဆံပင်ဖြူ လေးနဲ့ရယ်	ဆံပင်ဖြူ ပေါက်နေပြီ ဆိုရင် အသက်ကြီးလာတဲ့ လက္ခဏာ အဖြစ် သိထားကြတာပါ။ ဒါပေမယ့် ကျောင်းသားအရွယ် တည်းက ဆံပင်ဖြူလေးတွေ ရှိနေကြတဲ့ သူတွေဆို ဘယ်လိုမျိုးပါလိမ့်နော်။ ငယ်ငယ်လေးပေမယ့် ဆံပင်ဖြူ ရှိနေကြသူတွေအတွက် ဆက်ပြီး လေ့လာကြည့်ရအောင်။အရွယ်မတိုင်ခင် ဆံပင်ဖြူ ပေါက်ရတာ စိတ်ဖိစီးမှု များလို့၊ စိတ်ပင်ပန်းရလို့ ဆိုပြီး ယူဆကြတာပါ။ ဒါပေမယ့် တခြားအကြောင်းရင်းတွေလည်း အများကြီးရှိနေပါသေးတယ်နော်။ဆံပင်ဖြူရတဲ့ အကြောင်းရင်းတွေထဲက တစ်ခုက သိုင်းရွိုက်ရောဂါ ဖြစ်ပါတယ်။ သိုင်းရွိုက်ဂလင်းရဲ့ အလုပ်လုပ်တာ များလွန်းတာ ဒါမှမဟုတ် နည်းလွန်းတာတွေက ဆံသားအတွင်း melanin ထွက်ရှိမှုကို ထိခိုက်စေပြီး အရွယ်မတိုင်မီ ဆံပင်ဖြူခြင်းကို ဖြစ်လာစေနိုင်ပါတယ်။B12 ဓာတ် ချို့တဲ့ရင် ငယ်ရွယ်စဉ်မှာ ဆံပင်ဖြူ နိုင်ပါတယ်။ ဗီတာမင် B12၊ ဇင့်နဲ့ ကော့ပါးတို့က ဆံသား အားဖြည့်ပေးတဲ့ဓာတ်တွေ ဖြစ်တာကြောင့် B12 ကြွယ်ဝတဲ့ အစားအစာတွေကို နေ့စဉ်အာဟာရမှာ အမြဲထည့်စားပါ။မိဘတွေမှာ ငယ်ငယ်လေး နဲ့ ဆံပင်ဖြူရှိခဲ့ဖူးရင် မွေးလာတဲ့ သားသမီးမှာလည်း ဖြစ်နိုင်ဖို့ ပိုများပါတယ်။ ဆံပင်ဖြူခြင်းက မျိုးဗီဇ ကြောင့်လည်း ဖြစ်နိုင်ပါတယ်။ခန္ဓာကိုယ်မှာဗီတာမင်Cနဲ့ E ချို့တဲ့နေရင်လည်း ဆံပင်ဖြူလာနိုင်ပါတယ်။ ဒီလိုချို့တဲ့ရင်melaninထုတ်ပေးတဲ့ ဆဲလ်တွေရဲ့ပမာဏကိုလျော့နည်းစေပြီး ဆံပင်ဖြူ လာစေပါတယ်။ဆေးလိပ်သောက်ခြင်းဟာ အသက်ငယ်ငယ် နဲ့ ဆံပင်ဖြူစေတဲ့ အကြောင်းရင်းတွေထဲက တစ်ခု ဖြစ်ပါတယ်။ ဆေးလိပ်သောက်တဲ့အခါ သောက်သုံးသူရဲ့ ခန္ဓာကိုယ်ထဲမှာ free radicals ဓာတ်တွေ ထွက်ရှိစေပြီး melanin ကို လျော့နည်းစေပါတယ်။အသင့်အလွယ်စား အစားအစာတွေက အသက်ငယ်ရွယ်စဉ်မှာ ဆံပင်ဖြူစေတဲ့အကြောင်းရင်းတွေထဲက တစ်ခုဖြစ်ပါတယ်။ အသင့်စား သို့မဟုတ် ပြုပြင်စီမံထားတဲ့အစားအစာ တွေဟာ ဆံသားအတွင်းက melanin ဓာတ်ကို လျော့နည်းစေပြီး အိုမင်းရင့်ရော်မှုကို မြန်ဆန်စေပါတယ်။ ဒီအစားအစာတွေကို ကြာရှည်စွဲမြဲစားသုံးသူတွေဟာ အရွယ်မတိုင်မီ ဆံပင်ဖြူလာဖို့ များပါတယ်။စိတ်ဖိစီးမှုက လူကို ထိခိုက်မှုများစွာ ဖြစ်လာစေနိုင်ပြီး စိတ်တုန်လှုပ်ခြင်း၊ ဝမ်းနည်းခြင်း၊ စိတ်ပူပန်ခြင်း တို့ကmelanin ဆဲလ်တွေကို ပမာဏ လျော့စေပြီး အသက် ငယ်ငယ်နဲ့ ဆံပင်ဖြူလာစေပါတယ်။ဘာလို့ ဆံပင်ဖြူတွေ တွေ့နေရလဲ။ အာဟာရ မညီမျှတဲ့ စားသောက်ပုံ အလေ့အထ ရှိရင် ချို့တဲ့နေတဲ့ အာဟာရတွေလည်း အများကြီးရှိမှာပါပဲ။ ကိုယ့်ခန္ဓာကိုယ်ကဗီတာမင်နဲ့ သတ္ထုဓာတ်အလုံအလောက် မရနိုင်တဲ့ အခါ လုပ်ဆောင်ချက်တွေ ချို့ယွင်းလာတတ်တာကြောင့် ဆံပင်ဖြူတာ အပါအဝင် တခြားကျန်းမာရေးပြဿနာတွေပါ ဖြစ်စေနိုင်ပါတယ်။ဒီလို အသုံးများခြင်းက ဆံသားကို အားနည်းစေပါတယ်။ ဒီစက်တွေကနေ ထွက်ရှိလာတဲ့ အပူရှိန်က melanin ထွက်ရှိမှုကို ထိခိုက်စေပြီး ဆံပင်ဖြူလာစေနိုင်ပါတယ်။တစ်ကိုယ်ရည်သန့်ရှင်းမှု မရှိခြင်းကြောင့် ဖြစ်လာတဲ့ ဦးရေပြား မသန့်ရှင်းမှု ကလည်း အကြောင်းရင်းတစ်ခု ဖြစ်ပါတယ်။ ဆံပင်ကို ဂရုမစိုက်ရင်တော့ ဆံပင်က ဖြူလာမှာပဲ ဖြစ်ပါတယ်။မကြာခဏဆံပင်ဆိုးရင် ဆံသား ပျက်စီးစေနိင်ပါတယ်။ ဒီဆိုးဆေးတွေမှာ ဓာတုပစ္စည်းတွေ ပါဝင်တာကြောင့် melanin ဆဲလ်တွေ ကိုလည်း ပျက်စီးစေနိုင်ပါတယ်.။အရွယ် မတိုင်မီ သွေးဆုံးခြင်းလက္ခဏာ ခံစားနေရသူတွေဟာ ငယ်ရွယ်စဉ်မှာ ဆံပင်ဖြူလာစေနိုင်ပါတယ်။ဖောလစ်အက်စစ် ဟာ ခန္ဓာကိုယ်ရဲ့ လုပ်ငန်းစဉ် အတော်များများ အတွက် မရှိမဖြစ်ဓာတ် တစ်မျိုး ဖြစ်ပြီး သူချို့တဲ့ပြီ ဆိုရင် ဆံပင်သန်စွမ်းမှုကို နှေးကွေးစေနိုင်ရုံမက ဆံပင်ပါ ဖြူစေပါတယ်။ဗာဒံစေ့ အပါအဝင် အစေ့အဆံတွေကို စားသုံးပေးရင် ဆံပင်ဖြူခြင်းကို သက်သာစေနိုင်ပါတယ်။ ခြုံပြောရရင် အသီးအရွက်တွေ များများစားပါ၊ ကျန်းမာရေးနဲ့ မညီတာတွေ ရှောင်ပါ၊ ဆံသားအလှကုန်တွေကို အပြင်းစားတွေ၊ စျေးပေါတာတွေ မသုံးပါနဲ့၊စိတ်ဖိစီးမှုကို လျှော့ဖို့ နည်းလမ်းရှာပါ၊ ကျန်းမာရေး စစ်ဆေးပါ။[embed-health-tool-bmi]	skin-health	skin-health	https://hellosayarwon.com/skin-health/hair-scalp-care/white-hair-but-young/
ကိုယ်ဝန်ရှိနေတာကို မသိလိုက်ဘဲ သန္ဓေတားသောက်ဆေး သောက်လိုက်မိတယ်	ကိုယ်ဝန် ရှိနေတာကို မသိလိုက်ဘူး။ ပုံမှန် အတိုင်းပဲ တားဆေးကို ဆက်သောက်လိုက်မိတယ် ဆိုတဲ့လေဒီလေးတွေများရှိလား။ ဒါက ဖြစ်ခဲတယ် ဆိုပေမယ့် ဒီလိုဖြစ်ခဲ့ရင် ဘာတွေများ ဖြစ်နိုင်မလဲ ဆိုပြီး တွေးပူနေမိတဲ့ လေဒီလေးတွေ ရှိလား။ ဒါဆိုရင် ကိုယ်ဝန်ရှိနေတာကို မသိလိုက်ဘဲ သန္ဓေတားသောက်ဆေး သောက်လိုက်မိတယ် ဆိုတဲ့ လေဒီလေးတွေအတွက် ရေးထားတဲ့ ဒီဆောင်းပါးလေးကို ဖတ်ကြည့်လိုက်ပါ။ကိုယ်ဝန် ရှိနေတုန်း တားဆေး သောက်မိတာကကလေးကို ထိခိုက်နိုင်လား……….. ဒါက အမျိုးသမီး တော်တော်များများ သိချင်ကြတဲ့ အကြောင်းက ကိုယ်ဝန် ရှိနေမှန်း မသိလိုက်ဘဲ တားဆေး သောက်လိုက်မိတယ်။ ဒါဆိုရင် ကလေးကို ထိခိုက်မိနိုင်လား ဆိုတာပါ။ လေ့လာချက်တွေအရ သိရတာကကိုယ်ဝန်ဆောင်အစောပိုင်း ကာလမှာတားဆေးသောက်မိတာကြောင့်သန္ဓေသားအပါ်မှာ ထိခိုက်နိုင်တယ်၊ လို့ တိတိကျကျ မသိရသေးပါဘူး။တားဆေး အများစုကတော့ ကိုယ်ဝန် ရှိနေချိန်မှာ မသိဘဲ သောက်မိလိုက်ရုံနဲ့ သားအိမ် ပြင်ပမှာ သန္ဓေတည်တာမျိုး မဖြစ်နိုင်ပါဘူး။ ဒါပေမယ့် အရေးပေါ် တားဆေးကို မကြာမကြာ သောက်တတ်တဲ့ သူတွေ၊ ပရိုဂျက်စတုန်း တစ်မျိုးတည်းပါတဲ့ တားဆေး သောက်တဲ့ သူတွေကတော့ ဒါမျိုး ပြဿနာ ကြုံရနိုင်ပါတယ်။တားဆေး သောက်နေချိန်မှာ မထင်မှတ်ဘဲ ကိုယ်ဝန်ရတယ် ဆိုတာက ဖြစ်နိုင်ခြေ နည်းပေမယ့် သတိထားတာကတော့ အကောင်းဆုံးဖြစ်မှာပါ။ ဒါကြောင့် ကိုယ်ဝန် ရှိနေတယ်လို့ သံသယရှိမယ် ဆိုရင် ဆီးစစ်ကြည့်စေချင်ပါတယ်။သတိထားတာကတော့ အကောင်းဆုံး ဖြစ်မှာပါ။ တကယ်လို့ ဆီးစစ်ကြည့်တဲ့အခါ ကိုယ်ဝန် ရှိနေတယ်လို့ သိရပြီဆိုရင် ဆေးကို ဆက်မသောက်ပါနဲ့တော့။ ဆီးစစ်ချက် အဖြေက သေသေချာချာ မသိရသေးခင်မှာလည်း တစ်ပတ်စောင့်ပြီး ဆီးပြန်စစ်ပါ။ ဒီအတောအတွင်းမှာလည်း တားဆေးကို မသောက်ဖို့ ပြောပါရစေ။ ဒီအတောအတွင်းမှာ အတူနေမယ်ဆိုရင်တော့အကာအကွယ်သုံးစေချင်ပါတယ်။[embed-health-tool-pregnancy-weight-gain]	pregnancy	being-pregnant	https://hellosayarwon.com/pregnancy/being-pregnant/pregnancy-problems/can-taking-the-birth-control-pill-while-pregnant-hurt-my-baby/
မိန်းမကိုယ်ထဲမှာ လိင်တံညပ် နေခဲ့ရင်	ရုပ်ရှင်တွေထဲမှာ လိင်တံညပ်လို့ ကိစ္စတန်းလန်းကြီးနဲ့ ဆေးရုံရောက်လာတာ မြင်ဖူးမှာပေါ့။ တကယ်တော့ ဒါက ရှားပါး ကိစ္စပါ။ ရှားပေမဲ့ မဖြစ်ဘူးလို့ ပြောတာ မဟုတ်တာကြောင့် မတော်တဆများ ကိုယ့်အလှည့်ကျမှ တိုက်တိုက်ဆိုင်ဆိုင် မိန်းမကိုယ်ထဲမှာ လိင်တံညပ် နေခဲ့ရင် ဘယ်လိုဖြေရှင်းရမလဲဆိုတာ ကြိုတင် လေ့လာထားကြဦးနော်။လိင်စိတ်ကြွချိန်၊ လိင်ဆက်ဆံချိန်မှာ ထိုးသွင်းနိုင်ဖို့ လိင်တံထဲကို သွေးတွေ ဝင်လာပြီးထောင်မတ်လာပါတယ်။ အမျိုးသမီးတွေကတော့ ထောင်မတ်တဲ့ လိင်တံကို လက်ခံနိုင်ဖို့ မိန်းမကိုယ်ကြွက်သားတွေ ပြေလျော့ပြီး ချောဆီတွေ ထွက်လာရပါတယ်။လိင်ဆက်ဆံချိန်မှာတော့ မိန်းမကိုယ် ကြွက်သားတွေ တင်းလာပြီး လိင်တံကို သွားသွားညှစ်တတ်ပါတယ်။ ဒါက သဘာဝပါ။ နောက်ဆုံး မိန်းမကိုယ် ကြွက်သားတွေ အတင်းဆုံးဖြစ်ပြီးပြီးမြောက်သွားပါတယ်။ ပြီးသွားရင်တော့ ကြွက်သားတွေလည်း ပြန်ပြေလျော့သွားသလို လိင်တံကလည်း ပြန်ပျော့သွားပါတယ်။ဒါက သဘာဝဖြစ်စဉ်ပါ။တချို့အမျိုးသမီးတွေမှာ ပြီးမြောက်သွားတာတောင် ကြွက်သားတွေက တင်းနေတတ်ပေမဲ့ ခဏလောက်နေရင် ပြန်လျော့သွားပါတယ်။ရှားပါးဖြစ်စဉ်တွေမှာတော့မိန်းမကိုယ်ကြွက်သားတွေက တင်းလွန်းတဲ့အတွက် လိင်တံကို ညှစ်ပြီး ပြီးမြောက်သွားတာတောင် ပြန်ထုတ်လို့မရတော့ပါဘူး။ ဒီတော့ မိန်းမကိုယ်မှာ လိင်တံညပ်နေတာပေါ့။ ဒီဖြစ်စဉ်ကိုpenis captivusလို့ခေါ်ပါတယ်။ဒါက ရှားပါးလွန်းတဲ့အတွက် လေ့လာချက်တွေလည်း အတိအကျ မရှိပါဘူး။ ဘာကြောင့်ဖြစ်မှန်း သေချာ မပြောနိုင်ပေမဲ့ တချို့ကလည်း မိန်းမကိုယ်ကျပ်လွန်းတဲ့ ပြဿနာ Vaginismus နဲ့ ဆက်စပ်နေတယ်လို့ ဆိုပါတယ်။မိန်းမကိုယ် ကျပ်တယ်ဆိုတာ အလွယ်ပြောရရင် မိန်းမကိုယ်ထဲ ဝင်လာသမျှကို ကြွက်သားတွေက ဆွဲညှစ်ထားတာပါ။ ဥပမာ လိင်တံဝင်ရင် လိင်တံကို ညှစ်ထားမယ်။Tamponဝင်ရင် Tamponကို ညှစ်ထားတာမျိုးပါ။ဒီလိုဖြစ်ရတာက မိန်းမကိုယ်ထဲကို တစ်ခုခု ဝင်တဲ့အခါ နာတာကြောင့် ကြွက်သားတွေက အလိုအလျောက် ညှစ်လိုက်တာ ဖြစ်နိုင်သလို အရင်က အကောင်း၊ နောက်မှ သူ့အလိုလို ဖြစ်လာတာလည်း ဖြစ်နိုင်ပါတယ်။ဘာကြောင့် ဖြစ်တာလဲဆိုတာကို အတိအကျ မပြောနိုင်ကြသေးပါဘူး။ တချို့ကလည်းလိင်ဆက်ဆံရမှာကို ကြောက်တာ၊ စိုးရိမ်တာကြောင့်လို့ ယူဆကြပါတယ်။ပြောရမယ်ဆို ဒါက ထူးဆန်းတဲ့ ပြဿနာပါ။ တချို့အမျိုးသမီးတွေက မိန်းမကိုယ်ထဲကို ဘာဝင်ဝင် ညှစ်ထားတတ်ပါတယ်။ တချို့ကျတော့လည်း တစ်ယောက်နဲ့ အတူနေရင် ဘာမှမဖြစ်ဘဲ နောက်တစ်ယောက်နဲ့ နေမှ ဖြစ်တာမျိုး။ တချို့ကျတော့လည်း tamponထည့်ရင် အကောင်း လိင်ဆက်ဆံမှ ညှစ်မိတာမျိုး စသဖြင့် မျိုးစုံ ဖြစ်တတ်ပါတယ်။အဓိကကတော့ ထိခိုက်ဒဏ်ရာတွေ ရတာပါ။ ကြောက်ကြောက်လန့်လန့်နဲ့ အတင်းဆွဲထုတ်တဲ့အတွက်မိန်းမကိုယ်ပြဲတာ၊လိင်တံပွန်းပဲ့တာတွေ ဖြစ်တတ်ပါတယ်။ လိင်တံနာကျင်တာလည်း ခံစားရတတ်ပါတယ်။ဒါက ရှားပါးတဲ့ အခြေအနေပါ။ ဒါပေမဲ့ မတော်တဆ ကြုံလာခဲ့မယ်ဆိုရင် အောက်ပါ နည်းလမ်းတွေကို အသုံးပြုပါ။[embed-health-tool-ovulation]	sexual-wellness	sexual-wellness	https://hellosayarwon.com/sexual-wellness/safe-sex-prevention/what-to-do-with-penis-captivus/
သိုင်းရွိုက်ဟော်မုန်းများခြင်းနှင့် မျက်စိပြဿနာများ	သိုင်းရွိုက်ဟော်မုန်းများခြင်းဟာ သိုင်းရွိုက်ဂလင်းအနေနဲ့ အလုပ်အလွန်အကျွံလုပ်ပြီး ဟော်မုန်းတွေ ပိုမိုထုတ်လုပ်လာခြင်း ဖြစ်ပါတယ်။ တွေ့ရအများဆုံး အကြောင်းအရင်းကတော့ မိမိကိုယ်ခံအားက ပြန်လည်တိုက်ခိုက်တဲ့ ဂရေ့ဗ်ရောဂါ ဖြစ်ပါတယ်။ အဲဒီအခြေအနေမှာ မျက်လုံးကိုပါ ထိခိုက်တတ်ပါတယ်။ဂရေ့ရောဂါကြောင့်မျက်စိထိခိုက်ခြင်းကို သိုင်းရွိုက် မျက်စိရောဂါလို့ခေါ်ပြီးကိုယ်ခံအားစနစ်ကနေသိုင်းရွိုက်ဂလင်းကို ပြန်လည်တိုက်ခိုက်တဲ့ အခြေအနေမှာ ဖြစ်တတ်ပါတယ်။ ကိုယ်ခံအားစနစ်ဟာ မျက်စိအနီးတဝိုက် တစ်သျှူးများနဲ့ မျက်စိကြွက်သားများကို တိုက်ခိုက်တဲ့အခါ မျက်စိကို ရောင်ရမ်းစေပြီး အမြင်အာရုံပိုင်းဆိုင်ရာ ပြသနာတွေ ဖြစ်တတ်ပါတယ်။ ကိုယ်ခံအားစနစ်ဟာ မျက်စိနားက တစ်သျှူးတွေကို တိုက်ခိုက်ရတဲ့ အကြောင်းအရင်းကတော့ သိုင်းရွိုက်ဂလင်းမှာ တိုက်ထုတ်ခံရတဲ့ ပရိုတင်းများနဲ့ ဆင်တူနေလို့ ဖြစ်ပါတယ်။အမျိုးသမီးတွေမှာ အမျိုးသားများထက်စာရင် ရောဂါဖြစ်နိုင်ခြေ ၅-၆ဆ ပိုများပါတယ်။ ဆေးလိပ်သောက်သူများမှာ ဒီရောဂါဖြစ်နိုင်ခြေ သိသိသာသာများပါတယ်။သိုင်းရွိုက်မျက်စိပြသနာမှာ မျက်စိကြွက်သားတွေနဲ့ တစ်သျှူးတွေ ရောင်ရမ်းတဲ့အတွက် မျက်လုံးကို အရှေ့ကို တွန်းထုတ်စေပြီး မျက်လုံးရဲ့ လှုပ်ရှားမှုကို ထိခိုက်စေပါတယ်။ ပိုဆိုးရင် အမြင်အာရုံပါ ဒုက္ခပေးတတ်ပါတယ်။ အောက်ပါ လက္ခဏာတွေ ပြလာတတ်ပါတယ်။မျက်လုံးဟာ ရောင်ပြီး ထိုးထွက်နေတဲ့အတွက် မျက်စိကို သေချာမမှိတ်နိုင်ပါဘူး။ မျက်လုံးခြောက်သွေ့ခြင်း၊ ယားယံခြင်း၊ အထိမခံခြင်း စတဲ့ပြသနာတွေ ဖြစ်တတ်ပါတယ်။မျက်စိတဝိုက်မှာ နာကျင်ပြီး ဖောင်းနေသလို ခံစားရပါတယ်။ မျက်လုံးတဝိုက် တစ်သျှူးတွေနဲ့ မျက်ခမ်းတွေ ရောင်တတ်ပြီး မနက်ပိုင်းမှာ ပိုဆိုးတတ်ပါတယ်။မျက်လုံးရောင်ခြင်း (သို့) ရှေ့တူရူကိုစိုက်ကြည့်နေရခြင်း။မျက်လုံးတဝိုက်က ကြွက်သားတွေ ထိခိုက်တဲ့အခါ မျက်လုံးရဲ့ ပုံမှန်လှုပ်ရှားမှုတွေကို အကန့်အသတ် ဖြစ်စေပါတယ်။ ပုံရိပ်နှစ်ထပ်မြင်တတ်ပြီး ဘေးဘက်နဲ့ အထက်အောက်ရွေ့လျားရင် နာကျင်တတ်ပါတယ်။ဂရေ့ဗ်ရောဂါကြောင့်ဖြစ်တဲ့ သိပ်မဆိုးရွားတဲ့ ပြဿနာတွေဟာ ၁လကနေ ၄လအတွင်း သူ့ဖာသာ ပျောက်သွားတတ်ပါတယ်။ ဒါပေမယ့် ဆွဲတင်းထားတဲ့ တစ်သျှူးတွေဟာ ပုံမှန်အခြေအနေကို ပြန်မရောက်လို့ မျက်လုံးရောင်ခြင်းနဲ့ တခြား ရုပ်ပိုင်းပြောင်းလဲမှုတွေ ကျန်နေတတ်ပါတယ်။ ကုသမှုရဲ့ ရည်ရွယ်ချက်ကတော့ ရောင်ရမ်းမှုကို အတတ်နိုင်ဆုံးထိန်းပေးပြီး မသက်မသာဖြစ်တဲ့ အနေအထားကို လျှော့ချနိုင်ဖို့ ဖြစ်ပါတယ်။စဖြစ်ခါစမှာ မျက်စဉ်း (မျက်ရည်တု)၊ အကာအကွယ်ပေးတဲ့မျက်မှန်စတာတွေ သုံးရုံနဲ့ လုံလောက်ပါတယ်။ နာကျင်ရောင်ရမ်းမှုကို သက်သာစေဖို့ aspirin၊ naproxen နဲ့ ibuprofen စတဲ့ဆေးတွေ သုံးနိုင်ပါတယ်။ရောဂါဆိုးလာပြီး ရောင်ရမ်းတာလည်း ဆိုးလာရင် ပရနီဆလုံးလို ကိုယ်ခံအားနှိမ့်ပေးတဲ့ဆေးတွေ လိုအပ်ပါတယ်။ ပုံမှန်မဟုတ်တဲ့ ခုခံပစ္စည်းတွေကို လျှော့ချနိုင်ဖို့ ဖြစ်ပါတယ်။ အမြင်အာရုံဆိုးရွားပြီး အမြင်အာရုံကြောကို ဖိမိနေရင် ခွဲစိတ်ဖို့ လိုအပ်ပါတယ်။Hello Health Group သည် ဆေးပညာ အကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။[embed-health-tool-bmi]	eye-health	eye-health	https://hellosayarwon.com/eye-health/other-eye-issues/%e1%80%9e%e1%80%ad%e1%80%af%e1%80%84%e1%80%b9%e1%80%b8%e1%80%9b%e1%80%bc%e1%80%ad%e1%80%b3%e1%80%80%e1%80%b9%e1%80%b1%e1%80%9f%e1%80%ac%e1%80%b9%e1%80%99%e1%80%af%e1%80%94%e1%80%b9%e1%80%b8%e1%80%99/
နေကြာစေ့တွေရဲ့ ကျန်းမာရေးစွမ်းအင်	နေကြာစေ့ဆိုတာနဲ့နေကြာပန်းကနေ ရတဲ့ အစေ့သေးသေးလေးတွေကိုမြင်ယောင်မိကြမှာပါ။နေကြာစေ့ကို ရုပ်ရှင်ရုံထဲမှာလည်းတော်တော်များများ စားကြပြီး ဆားအငန်ပါတာနဲ့ မပါတာနဲ့ဆိုပြီးတော့လည်း ရှိပါသေးတယ်။ ဆားအငံပါတာနဲ့ မပါတာက အရမ်းတော့ မကွာပါဘူး။သွေးတိုးရှိတဲ့သူတွေကတော့ ဆားအငန်ပါတာကိုရှောင်စားကြပါတယ်။နေကြာစေ့သေးသေးလေးတွေက နှလုံးကျန်းမာရေးကို အထောက်အကူပြုတဲ့ ရင်းမြစ်ဆိုရင် အံ့သြသွားလောက်ပါတယ်။နေကြာစေ့မှာကောင်းမွန်တဲ့အဆီနဲ့ နှလုံးကျန်းမာရေးကို အကျိုးပြုတဲ့phytosterolsတွေ ပါဝင်ပါတယ်။ ဒီအဆီဓါတ်တွေဟာသွေးတွင်းမှာ ကိုလက်စထရောလျှော့နည်းအောင် ကူညီပေးပါတယ်။ ဒါ့ကြောင့် နှလုံးကျန်းမာရေးကိုကောင်းမွန်အောင် ထိန်းထားချင်တယ်ဆိုရင်တော့နေကြာစေ့လေး စားပေးဖို့ လိုပါတယ်။နေကြာစေ့ စားတဲ့အခါမှာ ခွာရတဲ့အရသာ၊ အစေ့လေးတွေခက်ခက်ခဲခဲ ထုတ်ရပြီး စားရတဲ့ ခံစားချက်ကိုတော်တော်လေး နှစ်သက်တဲ့သူတွေ ရှိပါတယ်။နေကြာစေ့ကို ခံစားချက်ကောင်းမွန်ဖို့ စားတဲ့သူတွေလည်း ရှိပါတယ်။နေကြာစေ့မှာ စိတ်ခံစားချက်ကောင်းမွန်စေမယ့် အာဟာရဓါတ်တွေ အများကြီး ပါဝင်ပါတယ်။နေကြာစေ့မှာ ပရိုတင်းနဲ့ အမိုင်နိုအက်ဆစ် ပါဝင်ပါတယ်။ အမိုင်နိုအက်ဆစ်က ခန္ဓါကိုယ်ထဲသွေးလည်ပတ်စီးဆင်းမှုကိုကောင်းမွန်စေတာကြောင့်ပါ။လေ့လာသူတွေကတော့နေကြာစေ့မှာပါဝင်တဲ့ အမိုင်နိုအက်ဆစ်ဟာ အမျိုးသမီးတွေ ဓမ္မတာ လာတဲ့အခါမှာ စိတ်တိုလွယ်ခြင်း၊ စိတ်ဆတ်ခြင်းစတဲ့ စိတ်ပိုင်းဆိုင်ရာပြဿနာတွေ မဖြစ်အောင် ကူညီပေးတယ်လို့ ဆိုထားပါတယ်။ ဒါ့အပြင်နေကြာစေ့မှာ ကာဗိုလ်ဟိုက်ဒရိတ် ပါဝင်တာကြောင့် ဦးနှောက်စုပ်ယူနိုင်မှု စွမ်းအင်ကို ပိုအားကောင်းစေပါတယ်။ ဘာလို့လဲဆိုတော့ ဦးနှောက်ဆီကို သတင်းအချက်အလက်ပေးပို့မှုမြန်ဆန်စေတာကြောင့်ပါ။နေကြာစေ့မှာ ပါဝင်တဲ့ ဇင့်ဓါတ်ကလည်း အမျိုးသားတို့အတွက် မျိုးအောင်ဖို့ အထောက်အကူပြုပါတယ်။လေ့လာချက်တွေအရ ဇင့်ဓါတ်ဟာ သုတ်ပိုးအရေအတွက်၊ အရည်အသွေးနဲ့ စွမ်းဆောင်ရည်တွေကိုမြင့်တက်စေပါတယ်။နေကြာစေ့ (၁၀၀) ဂရမ်မှာ ဇင့်ဓါတ်(၅) မီလီဂရမ် ပါဝင်တာကြောင့် ဇင့်ဓါတ်အများဆုံး ပါဝင်တဲ့ အစားအစာဆိုရင်လည်း မမှားပါဘူး။နေကြာစေ့မှာ စိတ်ဖိစီးမှုတွေကိုလျှော့ကျစေမယ့် အာဟာရဓါတ်တွေအပြင် အိပ်ပျော်စေမယ့် သတ္တုဓါတ်တွေလည်း ပါဝင်ပါတယ်။နေကြာစေ့မှာ ပါဝင်တဲ့ အမိုင်နိုအက်ဆစ်ဟာ အိပ်ပျော်စေဖို့ အပြည့်အဝ စွမ်းဆောင်နိုင်ပါတယ်။ ဒါကြောင့် ညဘက်အိပ်မပျော်တာတွေဖြစ်တယ်ဆိုရင် အိပ်ခါနီးမှာနေကြာစေ့နည်းနည်းလောက် စားပြီးမှ အိပ်ပါ။ နှစ်နှစ်ခြိုက်ခြိုက် အိပ်ပျော်မှာပါ။နေကြာစေ့သေးသေးလေးတွေရဲ့ စွမ်းအင်တွေကို သိထားပြီးပြီဆိုတော့ အပျင်းပြေလေးလောက်တော့ စားပေးနော်။Hello Health Groupသည်ဆေးပညာအကြံပြုချက်များ၊ ရောဂါရှာဖွေအတည်ပြုချက်များနှင့် ကုသမှုများ မပြုလုပ်ပေးပါ။[embed-health-tool-bmr]	healthy-eating	healthy-eating	https://hellosayarwon.com/healthy-eating/nutrition-facts/%e1%80%94%e1%80%80%e1%80%bd%e1%80%b1%e1%80%ac%e1%80%85%e1%80%b1%e1%80%b7%e1%80%90%e1%80%be%e1%80%9b%e1%80%b1%e1%80%b2%e1%80%b7-%e1%80%80%e1%80%94%e1%80%bc%e1%80%bb%e1%80%b8%e1%80%99%e1%80%ac%e1%80%b1/
အဆီကျစေမယ့် Detox Waterတွေ ကိုယ်တိုင်လုပ်မယ်	Detox waterကိုတော့တော်တော်များများသိကြမှာပါ။ ခန္ဓာကိုယ်ထဲကအဆိပ်အတောက်ဓာတ်တွေကင်းစင်စေတယ်၊ အလုံးစုံကျန်းမာရေးအတွက်ကောင်းတယ်၊ အဆီကျတယ် စတဲ့ သဘာဝအကျိုးကျေးဇူးတွေကြောင့် လူကြိုက်များကြတာပါ။ ခုခေတ်စားနေတဲ့အဆီချအစားအသောက်အစီအစဉ်တွေမှာလည်း Detox water မပါလို့မဖြစ်ပါဘူး။သူက ဘာတွေထူးခြားနေလို့များလဲ။ ရေဓာတ်တော့အပြည့်အဝရမှာသေချာတယ်။ ရေနဲ့စိမ်ထားရတာကိုး။ အမှန်တော့Detox waterဟာ ခန္ဓာကိုယ်ထဲက အဆိပ်အတောက်ဖြစ်စေနိုင်တဲ့ ဓာတ်တွေမှန်သမျှကို ကင်းစင်စေတဲ့အပြင် ဝိတ်ချဖို့အစားဆင်ခြင်နေရချိန်မှာ ကျန်းမာဖို့အတွက်မရှိမဖြစ်လိုအပ်တဲ့ဗီတာမင်နဲ့သတ္တုဓါတ်တွေဖြည့်တင်းပေးနိုင်တဲ့သောက်စရာတစ်ခုဖြစ်ပါတယ်။အဆီကျလို့ ပိုလည်းလှစေ၊ ခွန်အားလည်းပြည့်စေနိုင်စွမ်းရှိပါတယ်။သူများဆီက ဝယ်သောက်ရတာDetox waterကနည်းနည်းဈေးကြီးပါတယ်။ ပြုပြင်စီမံထားခြင်းမရှိ၊ တာရှည်ခံဓာတုပစ္စည်းမပါဝင်ဘဲသဘာဝပစ္စည်း၊ အသီးအရွက်တွေနဲ့ပြုလုပ်ထားတာဖြစ်လို့ organic သို့မဟုတ် homemade စသည်ဖြင့် အာမခံပြီးဈေးကောင်းကောင်းနဲ့ရောင်းကြပါတယ်။ အွန်လိုင်းမှာလည်းရောင်းချနေတာဆိုတော့ အိမ်အရောက်ပို့ခနဲ့ဆို ပိုတောင်ကုန်ဦးမယ်။ဒါဆိုအဆီကျကျစ်လျစ်ချင်လို့ အစားလျှော့ Diet လုပ်နေတဲ့ လေဒီတွေနဲ့ အားကစားလုပ်နေတဲ့သူတွေအတွက် အသုံးတည့်မယ့်Detox water ကို အိမ်မှာကိုယ်တိုင်လုပ်ကြမလား။ အချိန်လည်းမကုန်ဘူး၊ငွေလည်းမကုန်ဘူး၊ လွယ်လွယ်လေးရယ်။Detox waterလုပ်မယ်ဆိုရင် သိထားရမယ့်အချက်တွေက။(အဆီကျမြန်စေနိုင်တဲ့ Detox အချိုးအစား ဖြစ်လို့ အစာအိမ်ရောဂါရှိသူတွေ မသင့်တော်ပါ)။ပုံမှန်စားသုံးနေကျ အသီးအနှံတွေနဲ့ပဲ ကိုယ်တိုင်ပြုလုပ်တာဖြစ်တဲ့အတွက် သန့်ရှင်းမှုနဲ့လတ်ဆတ်မှုကို ပိုစိတ်ချရပါတယ်။ ဒါကတော့ အလွယ်ဆုံးနည်းလေးတွေဖြစ်လို့ ကိုယ့်နှစ်သက်ရာ အချိုမများတဲ့၊ အမှည့်မလွန်တဲ့ အသီးအနှံတွေလည်း ထပ်ပေါင်းထည့်လို့ရပါတယ်။ စစိမ်တည်းက တစ်ခါတည်းအတူထည့်ဖို့တော့လိုပါတယ်။ ကဲ …. အဆီကျစေမယ့် Detox Waterတွေ ကိုယ်တိုင် လုပ်ကြည့်လိုက်နော်။[embed-health-tool-bmi]	healthy-eating	healthy-eating	https://hellosayarwon.com/healthy-eating/healthy-recipes-healthy-eating/detox-waters-for-weight-loss/
ခေါင်းတစ်ခြမ်းကိုက် ရောဂါလက္ခဏာများ	ခေါင်းတစ်ခြမ်းကိုက် ရောဂါလက္ခဏာများ က သတိပေးတဲ့ လက္ခဏာတွေဖြစ်တဲ့ ပြိုးပြိုးပြက်ပြက် အလင်းရောင်၊ ခြေလက်ထုံကျဉ်ခြင်း၊ ပျို့အန်ခြင်းနဲ့ အလင်းနဲ့ အသံကို မခံနိုင်ခြင်း စတဲ့ အချက်တွေ အရင်ဖြစ်ပြီးနောက် (သို့) အတူတွဲ ဖြစ်သောခေါင်းကိုက်မှုတစ်ခု ဖြစ်ပါတယ်။ နာကျင်မှုဟာ ပြင်းထန်ပြီးတော့ နာရီများစွာ (သို့) ရက်ပေါင်းများစွာ ကြာမြင့်တတ်ပါတယ်။ ဒါတွေ ကြိုမဖြစ်ဘဲ တန်းပြီး ခေါင်းတစ်ခြမ်းကိုက်တာမျိုးလည်း ရှိပါတယ်။ခေါင်းတစ်ခြမ်းကိုက်ခြင်းဟာ ဦးနှောက်သွေးကြောဖောင်းလာတာနဲ့ ဒီသွေးကြောတွေကို ရစ်ပတ်ထားတဲ့ အာရုံကြောမျှင်တွေကနေ ဓာတုပစ္စည်း ထုတ်လုပ်မှုတို့ကြောင့် ပေါင်းစပ်ဖြစ်ပေါ်ပါတယ်။ ခေါင်းကိုက်နေစဉ်မှာ သွေးကြောဟာ ကျယ်လာပါတယ်။ ဒါဟာ ရောင်ရမ်းခြင်းနဲ့ နာကျင်ခြင်းကို ဖြစ်စေတဲ့ ဓာတုပစ္စည်းတစ်မျိုးကို ထုတ်လုပ်ပေးပြီးတော့ သွေးကြော ကျယ်လာခြင်းကို ထပ်မံဖြစ်စေပါတယ်။ခေါင်းတစ်ခြမ်းကိုက်ခြင်းဟာ sympathetic အာရုံကြောစနစ်ကို တုံ့ပြန်ခြင်းကိုဖြစ်စေကာ ပျို့အန်ခြင်း၊ ဝမ်းလျှောခြင်းတို့ ဖြစ်စေပါတယ်။ ဒါ့ပြင် အလင်းနဲ့ အသံတွေကို အာရုံခံမှုကိုလည်း မြင့်မားစေပါတယ်။အချို့လူတွေဟာ သူတို့ကို ခေါင်းကိုက်စေတဲ့အရာတွေကို သေချာစွာ ပြောပြနိုင်ပေမယ့် လူအတော်များများကတော့ မပြောပြနိုင်ပါဘူး။ ဖြစ်နိုင်ခြေရှိတဲ့ အရာတွေကတော့။ဒီအရာတွေဟာ ခေါင်းတစ်ခြမ်းကိုက်ခြင်းကို အမြဲ မဖြစ်စေနိုင်သလို ဒီအရာတွေကို ရှောင်ကြဉ်ခြင်းကလည်း ခေါင်းတစ်ခြမ်းကိုက်ခြင်းကို အမြဲမကာကွယ်နိုင်ပါဘူး။ ဒါပေမယ့် ကိုယ်က ဒါတွေကြောင့် ခေါင်းကိုက်တတ်ရင် ရှောင်တာက အကောင်းဆုံးပါ။ခေါင်းတစ်ခြမ်းကိုက်ခြင်းရဲ့ လက္ခဏာတွေကို ခေါင်းမကိုက်ခင် (သို့) ခေါင်းကိုက်နေစဉ်အတွင်း (သို့) ခေါင်းကိုက်ပြီးနောက်ဆိုပြီး ခွဲနိုင်ပါတယ်။ ခေါင်းကိုက်ခြင်းအမျိုးမျိုး ရှိတတ်ပေမယ့် အတွေ့များတဲ့ လက္ခဏာတွေကတော့။လူအတော်များများဟာ ခေါင်းတစ်ခြမ်း ကိုက်တော့မယ် ဆိုတာကိုခေါင်းမကိုက်ခင်မှာ အချက်ပြလက္ခဏာတွေကြောင့်သိတတ်ကြပေမယ့် လူအချို့ကတော့ မသိကြပါဘူး။ စိတ်ရှုပ်ထွေးဖွယ် အတွေးတွေ၊ အတွေ့အကြုံတွေ၊ ထူးဆန်းတဲ့အလင်းရောင်တွေ မသာယာတဲ့ အနံ့တွေ ရတတ်ကြပါတယ်။သုတေသီတွေက ဒီလိုတွေ မြင်ပြီး ခေါင်းကိုက်တတ်တဲ့ အမျိုးသမီးတွေမှာနှလုံးရပ်မှုဖြစ်နိုင်ခြေပိုများတယ်လို့ ဆိုပါတယ်။ ဒီလို အမျိုးသမီးတွေကပေါင်းစပ်ကိုယ်ဝန်တားဆေးသုံးမယ်ဆိုရင် သွေးခဲဖြစ်နှုန်း ပိုမိုမြင့်မားတယ်လို့ ဖော်ပြခဲ့ပါတယ်။ခေါင်းတစ်ခြမ်းကိုက်တတ်တဲ့ အမျိုးသမီးတွေက နာရီပေါင်းများစွာ မတိုင်ခင် (သို့) တစ်ရက်လောက်ကြိုပြီးတော့ သိနေလေ့ရှိပါတယ်။ ဒီလက္ခဏာတွေကတော့ အားအင်ပြင်းထန်ခြင်း၊ အချိုစားချင်ခြင်း၊ ရေဆာခြင်း၊ နုန်းခြင်း၊ စိတ်တိုခြင်းနဲ့ စိတ်ကျခြင်းတို့ပဲ ဖြစ်ပါတယ်။ရေးသားသူ- Dr Phyu Mon Latt။[embed-health-tool-bmi]	brain-ns	brain-ns	https://hellosayarwon.com/brain-ns/headaches-and-migraines/symptoms-of-migraines/
အုန်းစိမ်းရည်က ကျန်းမာရေးအတွက် အထောက်အကူပြုသလား	နှစ်ပေါင်းများစွာကတည်းက အုန်းစိမ်းရည်က ကျန်းမာရေးအတွက် အကျိုးကျေးဇူးများစွာပေးစွမ်းနိုင်တယ်ဆိုတာကို သိရှိထားပြီးဖြစ်ပါတယ်။ အုန်းစိမ်းသီးတစ်လုံးမှာ အရည်ဓါတ် ၂၀၀ မီလီလီတာ ကနေ ၁,၀၀၀ မီလီလီတာ အထိပါဝင်ပါတယ်။အုန်းစိမ်းရည်က အရသာရှိပြီးကယ်လိုရီပါဝင်မှုနည်းတဲ့သဘာဝအချိုရည်တစ်မျိုးပါ။ အုန်းစိမ်းရည်မှာ အုန်းသီးခြောက်အရည်ထက်အာဟာရဓါတ်ပိုမိုပါဝင်ပါတယ်။ အုန်းစိမ်းရည်မှာဓါတ်တိုးဆန့်ကျင်ပစ္စည်းတွေ၊ အမိုင်နိုအက်ဆစ်၊ အင်ဇိုင်းတွေ၊ဗီတာမင်ဘီဓါတ်တွေ၊ဗီတာမင် စီ၊ သံဓါတ်၊ ကယ်လ်ဆီယမ်၊ပိုတက်ဆီယမ်၊မဂ္ဂနီဆီယမ်၊ မဂ္ဂနီ နဲ့ ဇင့် ဓါတ်တွေလိုမျိုး သတ္တုဓါတ်တွေပါဝင်နေပါတယ်။အုန်းစိမ်းရည်မှာပါတဲ့ အာဟာရဓါတ်တွေကကိုယ်ခံအားစနစ်ကို တိုးမြှင့်ပေးပါတယ်။ အုန်းစိမ်းရည်မှာပါတဲ့cytokinin လို့ခေါ်တဲ့ အပင်ဟော်မုန်းတစ်မျိုးကလည်း အရွယ်တင်နုပျိုစေသလိုဘက်တီးရီးယားတွေနဲ့ကင်ဆာရောဂါတွေကို တိုက်ဖျက်နိုင်တဲ့အစွမ်းလည်းရှိပါ တယ်။ အုန်းစိမ်းရည်က ကျန်းမာရေးအတွက် ဘယ်လိုအထောက်အကူပေးနိုင်သလဲဆိုတဲ့အချက်လေးတွေကို မျှဝေပေးလိုက်ပါတယ်။အုန်စိမ်းရည်ကအပူဒဏ်ေကြာင့်ဖြစ်တဲ့ရေငတ်တာကိုပြေစေနိုင်တဲ့ သဘာဝအချိုရည်တစ်မျိုးပါ။ အုန်းစိမ်းရည်မှာပါတဲ့electrolyte compositionတွေကြောင့်ဝမ်းလျှောတာ၊အော့အန်တာနဲ့အလွန်အမင်းချွေးထွက်တာေတွကြောင့် ခန္ဓါကိုယ်ကဆုံးရှုံးသွားတဲ့ရေဓါတ်ကိုပြန်လည်ဖြည့်တင်းပေးပါတယ်။ ကာဗိုဟိုက်ဒရိတ်ပါဝင်တာကြောင့် ခန္ဓါကိုယ်ကို အားပြည့်စေပါတယ်။အုန်းစိမ်းရည်မှာ ဗီတာမင် စီ၊ ပိုတက်ဆီယမ် နဲ့ မဂ္ဂနီဆီယမ်တို့ပါဝင်နေတာကြောင့်သွေးတိုးရောဂါရှိသူတွေအတွက် သင့်တော်ပါတယ်။ အုန်းစိမ်းရည်မှာပါတဲ့ ပိုတက်ဆီယမ်က ကိုယ်တွင်းကအကျိုးမပြုတဲ့ ဆိုဒီယမ်ပမာဏကိုထိန်းညှိပေးခြင်းဖြင့်သွေးတိုးကျအောင်အထောက်အကူပြုပါတယ်။ကိုလက်စထရောနဲ့ အဆီပါဝင်မှုနည်းတဲ့ အုန်းစိမ်းရည်က နှလုံးကိုကျန်းမာစေပါတယ်။ ခန္ဓါကိုယ်အတွက်အကျိုးမပြုတဲ့ ကိုလက်စထရော (LDL) ကိုလျော့ကျစေပြီး အကျိုးပြုကိုလက်စထရော (HDL) ကိုတိုးစေနိုင်တာကြောင့် နှလုံးရောဂါခံစားရနိုင်ခြေကိုလျှော့ချပေးပါတယ်။အုန်းစိမ်းရည်မှာ ဓါတ်တိုးဆန့်ကျင်ပစ္စည်းတွေ၊ရောင်ရမ်းမှုကိုလျော့ပါးစေတဲ့ အစွမ်းသတ္တိ နဲ့antiplatelet propertiesတွေပါဝင်နေပြီးသွေးလည်ပတ်စီးဆင်းမှုကို တိုးတက်ကောင်းမွန်စေပါတယ်။သွေးကြောတွေထဲမျာ အနယ်အနှစ်စုပုံတာမျိုးတွေကိုလျှော့ချပေးနိုင်ပြီး ရုတ်တရက်နှလုံးရပ်တာနဲ့လေဖြတ်တာမျိုးတွေကိုလည်းလျှော့ချပေးပါတယ်။အုန်းရည်က အရက်နာကျတာကို သက်သာစေနိုင်တဲ့ သဘာဝဆေးတစ်မျိုးပါ။ အရက်က ခန္ဓါကိုယ်ရဲ့ရေဓါတ်ကိုကုန်ဆုံးစေပြီးရေဓါတ်ကုန်ဆုံးမှုကနောက်တစ်နေ့မနက်မှာ အရက်နာကျတာကိုဖြစ်စေပါတယ်။ အုန်းရည်က ခန္ဓါကိုယ်ရဲ့electrolyte ကိုပြန်လည်ဖြည့်တင်းပေးပြီးရေဓါတ်ကိုပြန်လည်ဖြည့်တင်းပေးနိုင်တာကြောင့် အရက်နာကျတာကိုသက်သာစေပါတယ်။ကိုယ်အလေးချိန်ကျချင်တဲ့သူတွေအတွက် အုန်းစိမ်းရည်ကသောက်သုံးဖို့သင့်တော်ပါတယ်။ ကယ်လိုရီပါဝင်မှုနည်းပြီး အစာအိမ်အတွက်လည်း အထောက်အပံ့ပြုပါတယ်။ အုန်းစိမ်းရည်မှာ အစာချေဖျက်မှုကို အထောက်အပံ့ပေးပြီး အဆီတွေချေဖျက်မှုကို တိုးမြှင့်ပေးနိုင်တဲ့bioactive အင်ဇိုင်းတွေအများအပြားပါဝင်ပါတယ်။အုန်းစိမ်းရည်မှာပိုတက်ဆီဝမ်ကြွယ်ဝစွာပါဝင်ပါတယ်။ ကိုယ်တွင်းက မလိုအပ်တဲ့အရည်တွေနဲ့ အဆိပ်အတောက်တွေကို စွန့်ထုတ်အောင်အထောက်အပံ့ပေးပါတယ်။ခေါင်းကိုက်တာ၊ခေါင်းတစ်ခြမ်းကိုက်တာအများစုက ရေဓါတ်ဆုံးရှုံးတာကြောင့်ဖြဟ်တာဖြစ်ပါတယ်။ အုန်းစိမ်းရည်က ခန္ဓါကိုယ်အတွက် လိုအပ်တဲ့electrolytesတွေကိုထောက်ပံ့ပေးရာမှာ အထောက်အကူပြုသလို ခန္ဓါကိုယ်ရဲ့ရေဓါတ်ကိုမြှင့်တင်ပေးပါတယ်။အုန်းစိမ်းရည်မှာ မဂ္ဂနီဆီယမ်ကြွယ်ဝစွာပါဝင်တာကြောင့်ခေါင်းတစ်ခြမ်းကိုက်ဝေဒနာခံစားနေရသူတွေအနေနဲ့သောက်သုံးပေးသင့်ပါတယ်။ ကိုယ်တွင်းမှာ မဂ္ဂနီဆီယမ်ပမာဏလျော့နည်းလာတာကြောင့်ခေါင်းတစ်ခြမ်းကိုက်တာဖြစ်ပါတယ်။ဆိုဒီယမ် စားသုံးမှု များတာကြောင့်လေပွတာဖြစ်ပါတယ်။ အုန်းစိမ်းရည်က ခန္ဓါကိုယ်တွင်းက ဆိုဒီယမ်ပမာဏကိုလျှော့ချပေးပါတယ်။ အုန်းစိမ်းရည်မှာ ပိုတက်ဆီယမ်ကြွယ်ဝစွာပါဝင်တာကြောင့် ဆိုဒီယမ်ပမာဏကိုလျှော့ချရာမှာ အထောက်အကူပြုပေးပါတယ်။အုန်းစိမ်းရည်ကအယ်လ်ဇိုင်းမားလိုမျိုး အာရုံကြောထိခိုက်ပျက်စီးတဲ့ရောဂါတွေကို ကုသရာမှာ အထောက်အကူပြုနိုင်တဲ့ အရာတစ်ခုဖြစ် လာနိုင်ဖွယ်ရှိပါတယ်။ အုန်းစိမ်းရည်ထဲမှာ အပင်ဟော်မုန်းတစ်မျိုးဖြစ်တဲ့cytokinin ပါဝင်တာကြောင့် ဦးနှောက်ဆဲလ်တွေ ပျက်စီမှုကို ကာကွယ်ပေးပါတယ်။ မှတ်ဉာဏ်တွေပြန်လည်ကောင်းမွန်လာအောင်လည်း အထောက်အကူပြုပါတယ်။အမြင်အာရုံကြည်လင်စေဖို့အတွက် အုန်းစိမ်းရည်သောက်ပေးနိုင်ပါတယ်။ ဦးနှောက်နဲ့ မျက်လုံးကျန်းမာသန်စွမ်းစေဖို့အတွက် ခန္ဓါကိုယ် က ဗီတာမင် B1ကိုလိုအပ်ပါတယ်။ ဗီတာမင် B1 က မျက်လုံးကြွက်သားတွေကို သန်စွမ်းစေပြီး ညဘက်မှာလည်း မျက်လုံးအမြင်အာရုံကိုကောင်းမွန်စေပါတယ်။အသင့်စားအလွယ်စား အစားအစာတွေလိုမျိုး အက်ဆစ်ဓါတ်ပါဝင်မှုများတဲ့အစားအသောက်တွေကို အများအပြားစားသုံးတာ၊ စိတ်ဖိစီးတာ နဲ့ အဆိပ်အတောက်ဖြစ်စေတဲ့အရာတွေကြောင့် ခန္ဒါကိုယ်ရဲ့ pH ပမာဏက အက်ဆစ်ဖြစ်လောက်တဲ့အထိမြင့်တက်သွားတဲ့အခါ ခန္ဓါကိုယ်ရဲ့ စွမ်းအင်ကိုလျော့ကျစေပြီး ဗီတာမင် နဲ့ သတ္တုဓါတ်တွေစုပ်ယူနိုင်စွမ်းကိုလည်း ကျဆင်းစေပါတယ်။pH ပမာဏမြင့်တက်သွားတဲ့အခါ အသည်းရဲ့ လုပ်ငန်းစဉ်တွေ ထိခိုက်တာ၊လေးဖက်နာ အဆစ်ရောင်ရောဂါ၊ အရိုးအဆစ်ရောင်ရမ်းနာ၊ဆီးချို (diabetes) ၊သွေးတိုး (hypertension) နဲ့ ကိုယ်ခံအားနည်းတဲ့ဝေဒနာတွေကိုဖြစ်ပေါ်ခံစားရစေနိုင်ပါတယ်။ အုန်းစိမ်းရည်မှာပါတဲ့ alkalineတွေက ကိုယ်တွင်းမှာ pH ပမာဏများတာကြောင့်ဖြစ်တတ်တဲ့ အစာအိမ်အချဉ်ပေါက်တာနဲ့ ရင်ပူတာတွေကို သက်သာစေသလို ကိုယ်တွင်း pH ပမာဏကိုလည်းထိန်းညှိပေးပါတယ်။အုန်းစိမ်းရည် ထဲမှာ အမိုင်နိုအက်ဆစ် နဲ့ ခန္ဓါကိုယ်အတွက်လိုအပ်တဲ့အမျှင်ဓါတ်တွေပါဝင်တာကြောင့်သွေးတွင်းသကြားဓါတ်ကိုထိန်းညှိရာမှာအထောက်အကူပြုသလို ခန္ဓါကိုယ်ရဲ့ အင်ဆူလင်တုံ့ပြန်မှုကိုလည်း တိုးတက်စေပါတယ်။ဆီးချိုသမားတွေသောက်သုံးဖို့သင့်တော်ပါတယ်။ ကိုယ်အလေးချိန်ကို ထိန်းညှိပေးပြီးသွေးလည်ပတ်မှုကိုလည်းကောင်းမွန်စေပါတယ်။အုန်းစိမ်းရည်ကသဘာဝဆီးရွှင်ဆေးတစ်မျိုးပါ။ ဆီးပမာဏကိုတိုးစေပြီး ဆီးရွှင်စေပါတယ်။ ကိုယ်တွင်းက အဆိပ်အတောက်တွေကို ဖယ်ရှားပေးပါတယ်။ ဆီးလမ်းကြောင်းပိုးဝင်ခြင်း (urinary tract infections) လိုမျိုးဝေဒနာတွေကိုလည်း ကာကွယ်ပေးပါတယ်။ပိုတက်ဆီယမ်ကြွယ်ဝစွာပါဝင်တာကြောင့် ကိုယ်တွင်း ကအဆိပ်အတောက်တွေကိုဆီးအဖြစ်နဲ့စွန့်ထုတ်စေပြီးကျောက်ကပ်မှာကျောက်တည်တာတွေကိုလည်းကျေပျက်စေနိုင်ပါတယ်။အုန်းရည်မှာ ဘက်တီးရီးယားတွေကိုသေစေနိုင်တဲ့ အာနိသင်ရှိတာကြောင့် ဆီးအိမ်ကိုပိုးကူးစက်တာတွေကိုတိုက်ဖျက်ရာမှာလည်း အထောက်အပူပြုပေးပါတယ်။အုန်းစိမ်းရည်ထဲမှာ ဆဲလ်တွေနဲ့ တစ်ရှုးတွေကို အိုမင်းရင့်ရော်မှုကနေ ကာကွယ်ပေးနိုင်တဲ့အစွမ်းရှိတဲ့ cytokinin တွေပါရှိပါတယ်။ နာတာရှည်ဝေဒနာတွေနဲ့ အသက်အရွယ်ကြောင့်ဖြစ်တဲ့ရောဂါတွေဖြစ်ပေါ်ခံစားရနိုင်ခြေကို လျော့ကျစေပါတယ်။လတ်ဆတ်တဲ့ အုန်းစိမ်းရည်ကအရေပြားကို နူးညံ့ချောမွေ့စေအောင် အာဟာရဖြည့်ပေးသလိုရေဓါတ်လည်းပြည့်ဝအောင်လည်းလုပ်ဆောင်ပေးပါတယ်။[embed-health-tool-bmr]	healthy-eating	healthy-eating	https://hellosayarwon.com/healthy-eating/nutrition-facts/coconut-water-health-benefits/
ကျောရိုးကြားခံပြားရောဂါအတွက် အာဟာရ ၅ မျိုး	အာဟာရတွေဟာ လူတိုင်းအတွက် အရေးကြီးပါတယ်။ အထူးသဖြင့် ကျန်းမာရေးအခြေအနေပုံမှန် မဟုတ်တဲ့သူတွေပါ။ ကျောရိုးကြားခံပြားချို့ယွင်းနေတဲ့လူတွေမှာ အာဟာရတွေပါတဲ့ စားသောက်ခြင်းပုံစံက ပျက်စီးနေတဲ့ ကြားခံပြား ပြန်လည်ကောင်းမွန်အောင် စွမ်းဆောင်နိုင်ကြပါတယ်။အထူးပြုလုပ်ထားတဲ့ အစားအသောက်တွေ စားသုံးစရာမလိုပါဘူး။ လိုအပ်တဲ့အာဟာရတွေကို နေ့စဉ်စားသောက်လျက်ရှိတဲ့ အစားအစာတွေ တွေ့ရှိနိုင်ပါတယ်။ကျန်းမာရေးကောင်းဖို့နဲ့ ရောဂါပိုးမွှားတွေတိုက်ထုတ်နိုင်ဖို့ အစာစားခြင်းက ရိုးရှင်းစွာနဲ့ အထိရောက်ဆုံးနည်းလမ်းတစ်ခုဖြစ်ပါတယ်။ ကြီးထွားဖွံ့ဖြိုးဖို့နဲ့ပြန်လည်ပြုပြင်နိုင်ဖို့ လိုအပ်တဲ့အာဟာရတွေဟာ ခန္ဓါကိုယ်အစိတ်အပိုင်းနဲ့လိုက်ပြီး ကွဲပြားသော်လည်း သူ့ဟာနဲ့သူတော့ ခန္ဓါကိုယ်အစိတ်အပိုင်းတိုင်း အာဟာရတွေကနေ အကျိုးကျေးဇူးရရှိကြပါတယ်။ကျောရိုးကြားခံပြားတွေ လိုအပ်တဲ့အာဟာရတွေ မရရှိကြတာကြောင့် လျော့ရဲလာပါတယ်၊ ဒဏ်ရာတွေ ရရှိကြပါတယ်။ဒါကြောင့် အာဟာရတွေထောက်ပံ့ပေးနေခြင်းက လိုအပ်တဲ့စွမ်းအင်တွေ၊ ပစ္စည်းတွေကို ထောက်ပံ့ပေးနေသလိုပါပဲ။ အာဟာရတွေက ကျောရိုးကြားခံပြားပျက်စီးခြင်းကို ပြန်လည်ပြုပြင်တဲ့ နေရာမှာလည်း ကူညီပေးနိုင်ပါတယ်။သကြားဓါတ်ဟာ ခန္ဓါကိုယ်အတွက် လောင်စာတစ်ခုပါ။ လမ်းလျှောက်ခြင်း၊ စာဖတ်ခြင်း၊ တီဗီကြည့်ခြင်းနဲ့ အားကစားလုပ်ခြင်းလိုမျိုး လုပ်ငန်းဆောင်တာတွေအတွက် စွမ်းအင်ရရှိဖို့ သကြားဓါတ်ကို အသုံးပြုရပါတယ်။သင်မသိသေးတာက ကျောရိုးကြားခံပြားပျက်စီးခြင်း ပြန်လည်ပြုပြင်တဲ့နေရာမှာ သကြားဓါတ်ပါတယ်ဆိုတာပါပဲ။ သကြားဓါတ်ကို အစားအစာအမျိုးအစားအများအပြားမှာ တွေ့ရှိနိုင်ပါတယ်။ ဒါပေမယ့်လည်း သစ်သီးသစ်ဥ၊ ဆန်စပါး၊ ကွေကာအုတ်၊ ပေါင်မုန့်ကြမ်းတို့ကဲ့သို့ အမျိုးအစားတွေကတော့ ပိုကောင်းတာပေါ့။ ဘာကြောင့်လဲဆိုတော့ သက်စောင့်ဓါတ်တွေနဲ့ အမျှင်ဓါတ်တွေ ပါဝင်နေလို့ပါပဲ။ဂလိုင်ကိုဆမင်းက သကြားတစ်မျိုးပါပဲ။ ယင်းက ကြောရိုးကြားခံပြားပျက်စီးခြင်း ဖြစ်စဉ်ကို နှေးကွေးစေတယ်လို့ ဆိုပါတယ်။ ဂလိုင်ကိုဆမင်းကို ပုဇွန်နဲ့ ဖြည့်စွက်အာဟာရတွေမှာ တွေ့ရှိနိုင်ပါတယ်။ ဆီးချိုသွေးချိုရှိနေမယ်ဆိုရင် စိတ်မပူပါနဲ့။ အင်ဆူလင်အသုံးပြုမှုကို ထိခိုက်စေမှာမဟုတ်ပါဘူး။ ဒါပေမယ့်လည်း ဖြည့်စွက်အာဟာရတွေမှာ ပါဝင်နေတဲ့ ပစ္စည်းတွေနဲ့ ဓါတ်မတည့်မှုဖြစ်နိုင်တာကြောင့် ဂရုစိုက်သင့်ပါတယ်။ကျောရိုးကြားခံပြားဟာ ကော်လဂျင်လို့ခေါ်တဲ့ ပရိုတင်းနဲ့ ပြုလုပ်ထားတာပါ။ ဒါကြောင့် ကျောရိုးကြားခံပြားမှာ ပြဿနာဖြစ်နေပြီဆိုရင် ကော်လာဂျင်က ပြန်လည်းပြုပြင်ခြင်းဖြစ်စဉ်ကို ထောက်ပံပေးခြင်းဖြင့် အခြေအနေကောင်းမွန်လာအောင် ကူညီပေးနိုင်ပါတယ်။ ခန္ဓါကိုယ်က ကော်လာဂျင်ထုတ်လုပ်ဖို့ ဗီတာမင်စီလိုအပ်ပါတယ်။ဗီတာမင်စီက ခန္ဓါကိုယ်ရဲ့ ယိုယွင်းပျက်စီးခြင်းဖြစ်စဉ်ကို နှေးကွေးစေနိုင်သော ဓါတ်တိုးဆန့်ကျင် ဂုဏ်သတ္တိရှိပါတယ်။ ကြားခံပြားနဲ့ ဘေးပတ်ဝန်းကျင်းမှာရှိသော တစ်ရှုးများရောင်ရမ်းကို သက်သာစေနိုင်သော ဂုဏ်သတ္တိလည်းရှိပါတယ်။စပျစ်သီး၊ လိမ္မော်သီး၊ သံပုရာသီးနဲ့ ငရုတ်သီးနီလိုမျိုး အသီးတွေမှာ ဗီတာမင်စီကို တွေ့ရှိနိုင်ပါတယ်။ဗီတာမင်အေဟာလည်း ခန္ဓါကိုယ်ကို အကျိုးကျေးဇူးများစွာပေးတဲ့ ဗီတာမင်တစ်မျိုးပါပဲ။ မျက်လုံးအတွက်လည်း ကောင်းသလို ကျောရိုးကြားခံပြားအတွက်လည်း အကျိုးှရှိပါတယ်။ အရိုးနုဆဲလ်တွေဖြစ်လာအောင် အားပေးပါတယ်။ကျန်းမာကြံ့ခိုင်တဲ့အရိုးနုတွေရရှိဖို့ ကွန်ဒရိုဆိုက်တွေ လိုအပ်ပါတယ်။ ဗီတာမင်အေက ကျောရိုးတွေ ဖြစ်ပေါ်လာအောင်လည်း အားပေးပါတယ်။ ထိုသို့ပြုလုပ်ပေးခြင်းက ပျက်စီးနေတဲ့ကြားခံပြားအတွက် အထောက်အကူကောင်းတစ်ခု ရရှိစေပါတယ်။ဗီတာမင်အေကို အမဲသား၊နို့၊ ထောပတ်၊ ကြက်ဥ၊ ဖရုံသီး၊ မုန်လာဥနဲ့ အာလူးတို့မှာ တွေ့ရှိနိုင်ပါတယ်။ ဒါပေမယ့်လည်း အရမ်းများသွားရင် အရိုးကျိုးနိုင်ခြေမြင့်မားစေတာကြောင့် တစ်နေ့ကို 2000mg ထက်ပိုမစားသုံးသင့်ပါဘူ။ကျောရိုးကြားခံပြားရောဂါရှိတဲ့လူတွေမှာOmega 3 Fatty Acidက အရောင်ကျစေပြီး အနာသက်သာစေပါတယ်။ ထို Fatty Acid ကို အခွံမာသီး (သစ်ကြားသီး၊ မက်ကာဒေးမီးယားအစေ့၊ မက်မွန်သီး)နဲ့ ပင်လယ်ငါးများ( ဆယ်လမွန်ငါး၊ မက်ကာရယ်ငါး၊ တူနာငါး) တို့မှာ တွေ့ရှိနိုင်ပါတယ်။ ငါးကြီးဆီနဲ့ ဖြည့်စွက်စာများတွင်လည်း တွေ့ရှိနိုင်ပါသေးတယ်။ကျောရိုးကြားခံပြားကို ကယ်လ်ဆီယမ်နဲ့ ပြုလုပ်ထားတာ မဟုတ်ပါဘူး။ ဒါပေမယ့်လည်း ကယ်လ်ဆီယမ်က ကျောရိုးတွေကို ပြန်လည်ကောင်းမွန်စေပြီး သန်မာစေနိုင်ပါတယ်။ အရိုးတွေသန်မာလာတဲ့အခါမှာ ကြားခံပြားပေါ်မှာ သက်ရောက်လာတဲ့ ဖိအားတွေ လျော့နည်းသွားနိုင်ပါတယ်။နို့၊ထောပတ်၊ ချိစ်၊ ဒိန်ချဉ် နဲ့ ပန်းမုန်လာ၊ ကိုက်လန်တို့လိုမျိုး သစ်သီးသစ်ရွက်တွေနဲ့ တိုဟူး၊ မြေပဲတို့မှာလည်း ကယ်လ်ဆီယမ်ကို တွေ့ရှိနိုင်ပါတယ်။ဗီတာမင်ဒီက ကယ်ဆီယမ်စုပ်ယူခြင်းကို အားပေးပါတယ်။ ဗီတာမင်ဒီကို နေရောင်ခံခြင်းဖြင့် ရရှိနိုင်ပါတယ်။ ဒါပေမယ့်လည်း အရေပြားကင်ဆာဖြစ်စေနိုင်တဲ့ ခရမ်းလွန်ရောင်ခြည်တွေကိုတော့ သတိပြုပေးပါ။အာဟာရတွေဟာ ကျောရိုးကြားခံပြားရောဂါအတွက် အကျိုးလည်းရှိ၊လိုလည်းလိုအပ်သော်လည်း သင့်တင့်မျှတစွာ တော့စားသောက်ရပါမယ်။ ချက်ပြုတ်မှုပုံစံက ခန္ဓါကိုယ်အာဟာရရှိမှုပုံစံတွေပေါ်မှာ သက်ရောက်မှုရှိနေတယ်ဆိုတာလည်း မမေ့ပါနှင့်။ ကျန်းမာစွာစားသောက်နိုင်ဖို့ အာဟာရပညာရှင်တွေနဲ့ ဆွေးနွေးတိုင်ပင်နိုင်ပါတယ်။ကျန်းမာစွာစားသောက်ခြင်းနဲ့ ကိုယ်လက်လှုပ်ရှားပြုလုပ်ခြင်းကလည်း ဒွန်တွဲလျက်ရှိပါတယ်။ လမ်းလျှောက်ခြင်း၊ ရေကူးခြင်း၊ ယောဂပြုလုပ်ခြင်းလိုမျိုး အားကစားတွေ ပြုလုပ်ဖို့ အချိန်ပေးသင့်ပါတယ်။ မပျင်းပါနှင့်။ တိုးတက်လာမှုကို တွေ့ရပါလိမ့်မယ်။အစားအစာတွေက လုပ်ငန်းဆောင်တာတွေအတွက် စွမ်းအင်ပေးနိုင်ရုံသာမက ကျောရိုးကြားခံပြားအတွက်လည်း ထောက်ပံ့မှုတွေပေးနိုင်ကြပါတယ်။ အစားအစာနဲ့ ဖြည့်စွက်အာဟာရတွေစားသုံးပြီး မှန်မှန်ကန်ကန်ခန္ဓါကိုယ်က စုပ်ယူနိုင်စေဖို့လည်း မမေ့ပါနဲ့။[embed-health-tool-bmi]	orthopedics-musculoskeletal	orthopedics-musculoskeletal	https://hellosayarwon.com/orthopedics-musculoskeletal/other-bone-diseases/diet-and-nutrition-for-a-healthy-back/
နှမ်းကပေးတဲ့ အသားအရေ လှပမှု	တဖောက်ဖောက် နဲ့ စားကောင်းတဲ့နှမ်းစေ့လေးက သင့် ကျန်းမာရေးကို သာမက အလှအပကိုပါ စောင့်ရှောက်မှု ပေးပါ သေးတယ်။ နှမ်းစေ့လေးတွေကဓာတ်တိုးဆန့်ကျင်အာနိသင်ကြွယ်ဝသလို ဘက်တီးရီးယား နဲ့ ဗိုင်းရပ်စ်တွေကို တိုက်ဖျက် ပေးနိုင်တဲ့ အာနိသင် ရှိပါတယ်။အရေပြား ကျန်းမာစေဖို့ အာဟာရ ဖြည့်ပေးသလိုအသားအရေကျန်းမာစေဖို့ လိုအပ်တဲ့သွေးစီးဆင်းမှုကောင်းစေဖို့လည်း အကောင်းဆုံး အားဖြည့်ပေးပါတယ်။ နှမ်းစေ့မှာ ပါတဲ့omega-6၊ ကယ်လ်ဆီယမ်၊ မဂ္ဂနီဆီယမ်၊ phosphorus၊ သံဓာတ်၊ဗီတာမင် B၊ဗီတာမင် Eတို့ကလည်း ပါဝင်နေပါတယ်။ ကဲ နှမ်းကပေးတဲ့ အသားအရေ လှပမှု ကို ဒီ ဆောင်းပါးလေး ထဲမှာ ဖတ်ကြည့်နော်။နှမ်းစေ့လေးက အသားအရေကို အခုလိုတွေ အထောက်အကူ ပြုပေးပါတယ်။ နှမ်းကပေးတဲ့ အသားအရေ လှပမှု ကတော့။နှမ်းစေ့က ရောင်ရမ်းမှုကို ကျဆင်း စေနိုင်ပြီး အနာကျက် စေနိုင်တဲ့ အာနိသင် ရှိပါတယ်။ ဘက်တီးရီးယားတွေကို တိုက်ဖျက်နိုင်တဲ့ အာနိသင် ရှိတာကြောင့် အရေပြားကို ဘက်တီးရီးယားတွေ၊မှိုပိုးတွေကြောင့် ထိခိုက်တာမျိုး မဖြစ်စေဖို့ ကာကွယ်ပေးပါတယ်။နေတွေ၊ လေတွေကြောင့် နေလောင်တာကို သက်သာစေဖို့လည်း နှမ်းစေ့ကို အသုံးပြုလို့ ရပါတယ်။ခရမ်းလွန် ရောင်ခြည်ကြောင့် အသားအရေ ထိခိုက်တာ ကိုလည်း ကာကွယ်ပေး ပါတယ်။အရေးအကြောင်းဖြစ်တာကို ကာကွယ်ပေးပြီးအသားအရောင် ပြောင်းတာကို အထိရောက်ဆုံး ကာကွယ်ပေး ပါတယ်။ ကလိုရင်းကြောင့် အသားအရေ ထိခိုက်မှု မရှိစေဖို့လည်း ကာကွယ်ပေးပါတယ်။နှမ်းစေ့မှာ ဓာတ်တိုးဆန့်ကျင် အာနိသင် ကြွယ်ဝတာကြောင့် အရေပြားက အဆိပ်အတောက် တွေကို အထိရောက်ဆုံး ဖယ်ရှားပေးပါတယ်။ နှမ်းစေ့ကို စားပေးတာ ဒါမှမဟုတ် အရေပြားမှာနှမ်းဆီလိမ်းပေးတာက အသားအရေကို အဆိပ်အတောက် ကင်းစေဖို့ အကောင်းဆုံး အထောက်အပံ့ ပေးနိုင်မှာပါ။နှမ်းစေ့က လေဒီတိုင်း နှစ်ခြိုက်တဲ့Glow Skinလေး ရစေဖို့လည်း အထောက်အကူ ပြုပေးပါသေးတယ်။ အသားအရေကို တင်းရင်းစေပြီး နူးညံ့စေပါတယ်။ အရေပြား ကျန်းမာဖို့ လိုအပ်တဲ့ အာဟာရ တွေကို ပြည့်ဝစေပြီးထိခိုက် ရှနာတွေကို အမြန်ဆုံး သက်သာစေနိုင် ပါတယ်။ချွေးပေါက်တွေကို ကျဉ်းစေနိုင် ပါတယ်။နှမ်းကို ဒီတိုင်းစားပေးလို့ရသလို အသုပ်၊ ဟင်းချက်တဲ့ထဲ ထည့်ပြီးလည်း စားလို့ရပါတယ်။ အရေပြားမှာ လိမ်းမယ်ဆိုရင်တော့ အရေပြားမှာ လိမ်းဖို့ ထုတ်ထားတဲ့ နှမ်းဆီဖြစ်ဖို့ လိုပါတယ်။အသားအရေ ကြည်လင်စေဖို့ ဆိုရင် နေ့စဉ် စားသောက်မှုကို သေချာလေး ဂရုစိုက်ဖို့ လိုသလို ကိုယ်လက်လှုပ်ရှားမှု လုပ်တာ၊ ရေများများ သောက်တာ၊ အိပ်ရေးဝဝ အိပ်တာမျိုးတွေ လုပ်ဆောင်ဖို့ လိုပါမယ်။ အသားအရေ ထိန်းသိမ်းမှုကိုလည်း မမေ့နဲ့ပေါ့နော်။[embed-health-tool-bmi]	skin-health	skin-health	https://hellosayarwon.com/skin-health/skin-care-cleansing/skin-benefits-of-sesame/
Collagen (သို့) နုပျိုခြင်းရဲ့ သော့ချက်	ယနေ့ခေတ်ကြီးမှာ လူတွေဟာ အလှအပပိုင်းဆိုင်ရာကို စိတ်ဝင်စားလာတာနဲ့အမျှအသားအရေ တင်းရင်းစိုပြေအောင်၊ နုပျိုအောင်collagenတွေကို နေရာအမျိုးမျိုးမှာ အသုံးပြုလာကြပါတယ်။ collagen ကို လိမ်းဆေး၊ lotion တွေမှာရော၊ supplement သောက်ဆေးအနေနဲ့ရော၊အလှအပပိုင်းဆိုင်ရာကုထုံးတွေနဲ့ အစားအသောက်၊ စွပ်ပြုတ်ရည် တွေမှာပါ တွင်ကျယ်စွာ ထည့်သွင်းအသုံးပြုလာကြတာကိုလည်း တွေ့လာရပါတယ်။ ဒီနေ့ဆောင်းပါးလေးမှာတော့ အဲ့ဒီလို popular ဖြစ်နေတဲ့ collagenလေးအကြောင်းကို မျှဝေပေးသွားမှာပါ။Collagenဆိုတာကတော့ ကျွန်ုပ်တို့ရဲ့ ခန္ဓာကိုယ်ကနေ သဘာဝအတိုင်း ထွက်နေတဲ့ပရိုတင်းဓာတ်တစ်မျိုးပါပဲ။ collagenဟာ ခန္ဓာကိုယ်မှာ ရှိနေတဲ့ ပရိုတင်းဓာတ်အားလုံးရဲ့ သုံးပုံတစ်ပုံလောက်အထိကို ရှိနေပြီး ကျန်းမာကြံ့ခိုင်တဲ့ ခန္ဓာကိုယ်ဖြစ်အောင် အများကြီးအထောက်အပံ့ပေးနေတဲ့ အရေးကြီး ပရိုတင်းလေးတစ်မျိုးဖြစ်ပါတယ်။ ကျွန်ုပ်တို့ရဲ့ ခန္ဓာကိုယ်မှာ collagenအမျိုးအစားပေါင်း ၁၆ မျိုးလောက်ရှိပါတယ်။အထူးသဖြင့် အသားအရေေကို နုပျိုတင်းရင်းစေပြီး ကြည်လင်စေတဲ့ အချက်ကြောင့် collagenဟာ အလှအပပိုင်းဆိုင်ရာအတွက် နာမည်ကြီးတဲ့ ပရိုတင်းလေး ဖြစ်နေရတာပါ။ ဒါ့အပြင် collagen ဟာ ဆံသား၊ လက်သည်းခွံတွေကို ကောင်းမွန်စေတဲ့အပြင် ကိုယ်တွင်းကလီစာ အစိတ်အပိုင်းတွေ၊ ကြွက်သားတွေ ၊အရိုး အဆစ်တွေ နဲ့ အရွတ်တွေကိုပါ တစ်ခုနဲ့ တစ်ခု ကောင်းကောင်း အချိတ်အဆက်မိအောင် သန်မာ၊ ကြံ့ခိုင်အောင် လုပ်ဆောင်ပေးနိုင်တာကြောင့် Collagen ကို ခန္ဓာကိုယ်တစ်ခုလုံးအတွက် ကောင်းမွန်တဲ့ ကော်လေးနဲ့တူတယ်လို့ တင်စားကြပါတယ်။Collagenဟာ ခန္ဓာကိုယ်ကနေ သဘာဝအတိုင်းထုတ်ပေးနေတဲ့ ပရိုတင်းဖြစ်ပေမယ့် အသက်ကြီးလာတာနဲ့ အမျှ collagenထုတ်လုပ်နိုင်တဲ့ ပမာဏတွေ ကျဆင်းလာပါတယ်။ ဒါ့ကြောင့်လည်း အသက်ကြီးလာတဲ့ သူတွေမှာ အသားအရေတွေ လျော့တိလျော့ရွဲ ဖြစ်လာပြီး၊အရေးအကြောင်းတွေပေါ်တာ၊ အရိုးအဆစ်တွေ မကောင်းတော့တာတွေ ဖြစ်လာရတာပါ။အသက်ကြီးလာတာကြောင့် မဟုတ်ဘဲ collagenပမာဏကို ထိခိုက်လျော့ကျ စေနိုင်တဲ့ အဓိက အကြောင်းအချက်လေးတွေကို ဆက်ပြီး ဖော်ပြပေးသွားပါမယ်။ အဲဒီအချက်လေးတွေကို သိထားပြီး ဂရုစိုက်မယ်ဆိုရင် Hello ဆရာဝန်ပရိသတ်ကြီးအတွက် အင်မတန်အကျိုးရှိမှာပါ။အဓိကအားဖြင့် အောက်ပါ အချက် ၃ ချက်ကြောင့် collagenကို ထိခိုက်လျော့နည်းစေနိုင်တာကြောင့် အဲဒီအချက်တွေကို ကာကွယ်ဖို့၊ ရှောင်ကြဉ်ဖို့ လိုအပ်ပါတယ်။၁။ နေရောင်ခြည်(UV light သို့ခရမ်းလွန်ရောင်ခြည်) နဲ့ တိုက်ရိုက်ထိတွေ့မှုများခြင်းကြောင့်။၂။ဆေးလိပ်သောက်ခြင်းကြောင့်။၃။ သကြား နဲ့အချိုဓာတ်တွေ အလွန်အကျွံ စားသုံးမှုကြောင့်။တချို့တော့ collagenကြွယ်ဝဖို့အတွက် supplement သောက်ဆေး၊ လိမ်းဆေးတွေနဲ့ ကုထုံးတွေကို လုပ်ဆောင်ကြပါတယ်။ တချို့ကတော့ သောက်ဆေး၊ လိမ်းဆေးတွေကို သုံးရမှာကြောက်ကြတယ်၊ မလိုအပ်ဘူးထင်ကြတယ်ပေါ့။Supplement တွေ ၊ လိမ်းဆေးတွေ အသုံးပြုချင်တဲ့ သူတွေဆိုရင်တော့ သေသေချာချာ စိတ်ချရတဲ့ FDA approval ရထားတဲ့၊ အသိအမှတ်ပြုထားတဲ့ ကိုယ့်အတွက် ဘေးအန္တရာယ်မဖြစ်စေမယ့် ပစ္စည်းတွေကို ကျွမ်းကျင်သူတွေနဲ့ တိုင်ပင်ပြီး ရွေးချယ်အသုံးပြုသင့်ပါတယ်။ အလှအပပိုင်းဆိုင်ရာ ကုထုံးတွေဆိုရင်လည်း ဆရာဝန် (သို့) အမှန်တကယ် ကျွမ်းကျင်လက်မှတ်ရထားသူတွေနဲ့သာ လုပ်ဆောင်သင့်ပါတယ်။အဲဒီလို နည်းလမ်းတွေ အသုံးမပြုချင်တဲ့ သူတွေလည်း နုပျိုလှပပြီး လိုအပ်တဲ့ collagenပမာဏရနိုင်ပါတယ်။ အထူးသဖြင့် collagen ကြွယ်ဝတဲ့၊ collagenထုတ်လုပ်မှုကို များအောင် ကူညီပေးနိုင်တဲ့ အစားအသောက်တွေကို နေ့စဉ်စားသုံးပေးနိုင်ပါတယ်။ဗီတာမင် Cကြွယ်ဝတဲ့ ခရမ်းချဉ်သီး၊ သံပရာသီး၊ ဘယ်ရီသီး စတဲ့ ချဉ်တဲ့အရသာရှိတာတွေ၊ အစိမ်းရင့်ရောင် ဟင်းသီးဟင်းရွက်တွေ၊ zinc နဲ့ copper ပါဝင်တဲ့ အစေ့အဆံ၊ ပဲအမျိုးမျိုး၊ ငါးစတာတွေ၊ အချိန်ကြာကြာ ပြုတ်ထားတဲ့ အသား နဲ့အရိုးပြုတ်ရည်၊ glycine ကြွယ်ဝတဲ့ ဝက်သားအရေပြား၊ ကြက်အရေခွံ စတာတွေကို ဂရုတစိုက်စားသုံးပေးသင့်ပါတယ်။ဒီဆောင်းပါးလေးကိုဖတ်ပြီးတဲ့အခါ ဒီဆောင်းပါးလေးမှာမျှဝေပေးထားတဲ့ နုပျိုခြင်းရဲ့ သော့ချက်ဖြစ်တဲ့ collagenအကြောင်းနဲ့ ရှောင်ကြဉ်သင့်တဲ့ အချက်၊ဂရုစိုက်သင့်တဲ့ အချက်လေးတွေကို လက်တွေ့လုပ်ဆောင်ပြီး နုပျိုကျန်းမာလှပတဲ့ နေ့ရက်လေးတွေ ပိုင်ဆိုင်ကြမယ်လို့ ယုံကြည်ပါတယ်။ရေးသားသူ။Khine Phoo Ngon။[embed-health-tool-bmi]	skin-health	skin-health	https://hellosayarwon.com/skin-health/skin-care-cleansing/collagen-secret-of-antiaging/
ဟင်းသီးဟင်းရွက်နှင့် သစ်စီးဝလံများကို စမတ်ကျကျဝယ်ယူတတ်စေမယ့် နည်းလမ်း ၁၀ မျိုး	အသီးအရွက်လမ်းကြောင်းသို့သွားပါက ဘယ်ဟာဝယ်ရမလဲဆုံးဖြတ်ဖို့ အထူးသဖြင့် သင်ပိုက်ဆံနည်းနေချိန် ဆုံးဖြတ်ရန်ခက်ခဲလှသည်။ အောက်ပါဆယ်ချက်က သင်အသ်းအရွက်ဝယ်ရာတွင် အထောက်အကူဖြစ်စေသော ဆယ်ချက်ကိုဖော်ပြပေးနိုင်သည်။ရာသီဥတုအလိုက်စားသုံးပါ။ ရာသီအသီးအရွက်များက များပြားခြင်း အနံအရသာပြည့်စုံခြင်း ဈေးသက်သာခြင်းတို့ရှိသည်။ဈေးချတာမျိုးရှိတတ်သည်။ သတင်းစာများမှ အရောင်းချခြင်း သို့မဟုတ် ဈေချပေးသောကူပွန်ရှိမရှိကိုရှာဖွေပါ။ဘာစားရမလဲဆိုတာကို ဇယားလုပ်ခြင်း ချရေးခြင်းတို့ပြုလုပ်သင့်သည်။ ကိုယ်လုပ်ထားသော လိုအပ်သည်များကိုဝယ်ပါ။ မလိုအပ်သည့် အခြားပစ္စည်းများကိုကောက်မထည့်ပါနှင့်။ဗိုက်ဆာနေချိန် စူပါမက်ကတ်အတွင်းဝင်ပါက သရေစာ အသင့်စားအစာတို့အပေါ် ပိုက်ဆံပိုသုံးမိတတ်သည်။ ဗိုက်တင်းပြီး ဈေးဝယ်ပါက သင်ပိုက်ဆံကို ကျန်းမာသောအစာအပေါ်ပိုသုံးမိစေနိုင်သည်။အသီးအရွက်များက ကြာရှည်မခံပါ။ မသိုးခင် အနည်းငယ်ဝယ်ပြီးသာစားသင့်သည်။ သို့သော် ကြာရှည်ခံသောအရွက် ဈေးချနေပါက ပိုက်ဆံချွေတာရန်ဝယ်ထားသင့်သည်။ထိုအသီးများကိုလတ်ဆတ်သောအသီးထက်ပိုသက်သာသည်။ သို့သော် တံဆိပ်ကိုသေချာဖတ်ပါ ဆိုဒီယမ်နည်းတာကိုဝယ်ပါ။အချို့တံဆိပ်က ပိုဈေးသက်သာသော ထုတ်ကုန်တူများထုတ်နိုင်သည်။ မင်ဘာ အလိုက်လျော့ဈေးများရှိပါက ပိုက်ဆံခြွေတာရန် စာရင်းသွင်းထားပါ။ဆေးမထားသော မလှီးဖြတ်ရသေးသော အသီးများက ဈေးကြီးတတ်သည်။ သို့သော် သင့်ပိုက်ဆံကနည်းနေပါကဖြတ်ထားသောအရွက်က သက်သာစေသည်။အသီးအရွက်များက စိုက်ရလွယ်ကူသည်။ သခွားသီး ငရုတ်သီး နှင့် ခရမ်းချဉ်သီးတို့က အစပြုစိုက်ရန်လွယ်ကူသည်။ ခြံဝင်းမရှိပါက အိုးအသေးနှင့် စိုက်နိုင်သည်။မချက်ပြုတ်မှီ သေချာပြင်ဆင်မှုများနှင့် သင်လိုအပ်ချိန်တွင်စားနိုင်ရန် ရေခဲထားပါ။ ကျန်နေသော အရွက်များကို စွပ်ပြုတ်လုပ်သောက်ပါ။ အမှည့်လွန်နေသော အသီးကို ဖျော်ရည်လုပ်သောက်ပါ။ပိုက်ဆံဘယ်လောက်နည်းပါစေ များပါစေ အသီးအရွက်အနည်းငယ်ထည့်နိုင်သည်။ ကျန်းမာသောဟင်းသည် အသီးအရွက် ဈေးကြီးစရာမလိုပါ။ အထက်ပါအချက်များက သင်ပိုက်ဆံကိုမထိခိုက်စေပဲ အသီးအရွက်စားရန် အထောက်အကူပြုလုပ်မည်ဟုမျော်လင့်ပါမည်။Hello Health Groupသည် ဆေးပညာဆိုင်ရာ အကြံပေးချက်များ၊ ရောဂါရှာဖွေခြင်းနှင့် ကုသခြင်းများ မပြုလုပ်ပါ။[embed-health-tool-bmr]	healthy-eating	healthy-eating	https://hellosayarwon.com/healthy-eating/other-healthy-eating-tips/%e1%80%9f%e1%80%84%e1%80%ba%e1%80%b8%e1%80%9e%e1%80%ae%e1%80%b8%e1%80%9f%e1%80%84%e1%80%ba%e1%80%b8%e1%80%9b%e1%80%bd%e1%80%80%e1%80%ba%e1%80%94%e1%80%be%e1%80%84%e1%80%b7%e1%80%ba-%e1%80%9e%e1%80%85/
ကိုယ်ဝန်ဆောင်ချိန် ထုံတာ၊ ကျဉ်တာ ခံစားရတဲ့အခါ	ကိုယ်ဝန်ဆောင်တဲ့အချိန်ဆို ဟိုနားကတစ်မျိုးဖြစ်သလို ဒီကတစ်မျိုးဖြစ်သလိုနဲ့ အရင်ကနဲ့ မတူတော့တာ သေချာတာပေါ့။ ခန္ဓာကိုယ်က နှစ်ယောက်စာထမ်းပိုးထားရ၊ အားဖြည့်ပေးရတာမို့ မေမေတို့ နေရထိုင်ရတာ အတော်ဂရုစိုက်ရတာပါ။ ဒီလိုအချိန်မှာ အဖြစ်များတဲ့ ခြေလက် ထုံကျဉ် မှု အကြောင်းလေး နဲ့ ကိုယ်ဝန်ဆောင်ချိန် ထုံတာ၊ ကျဉ်တာ ခံစားရတဲ့အခါ ဘယ်လိုနည်းလမ်းလေးတွေနဲ့ ဖြေရှင်းလို့ ရမလဲဆိုတာလေးကို ပြောပြပေးမယ်နော်။ကိုယ်ဝန်ဆောင်လရင့်လာတဲ့ မေမေတွေဟာ ဒီပြဿနာကို ခံစားရတတ်ပါတယ်။ လူတိုင်းမှာမဖြစ်ပေမယ့် လက်တွေ ထုံကျဉ် ၊ အားမရှိတဲ့ ဝေဒနာက နေရခက်တာမို့ မေမေတို့ နေထိုင်မှုဘဝမှာ အဆင်မပြေ ဖြစ်တတ်ကြပါတယ်။လက်ချောင်းလေးတွေ၊ လက်ဖျံ၊ ခြေထောက်၊ ခါး တို့မှာ ထုံသလို ကျဉ်သလို ဖြစ်လာတဲ့အခါ ဘာလုပ်ရမှန်းမသိ၊ စိုးရိမ်လာတတ်ပါတယ်။ကိုယ်ဝန်ဆောင်ချိန်မှာ လက်က ထိတွေ့တာမသိ၊ ထုံနေတာမျိုး၊ ပူခနဲ ဖြာထွက်သွားတဲ့ခံစားချက်မျိုး၊ ကျဉ်ခနဲနာကျင်မှုမျိုး တွေ ခံစားရတတ်တယ်။ အိပ်ရာထတဲ့အချိန်၊ ညတရေးနိုးချိန်၊ ဒါမှမဟုတ် တစ်ခုခုထပြီးလှုပ်ရှားချိန်မှာ ဒီလက္ခဏာတွေ ခံစားရနိုင်ပါတယ်။အတော်များများက ကိုယ်ဝန် ဒုတိယသုံးလပတ် နဲ့ တတိယသုံးလပတ်လောက်မှာ ကိုယ်အလေးချိန်ကတိုးလာပြီးအရည်စုခြင်းတွေ၊ခြေလက်ဖောရောင်တာတွေ ပိုဖြစ်လာတာမို့ ဒီဝေဒနာတွေ ခံစားရတတ်တာဖြစ်ပါတယ်။ကိုယ်အလေးချိန်တိုးလာတာ၊ အရည်စုလာတာ၊ဟော်မုန်းအပြောင်းအလဲ၊ခန္ဓာကိုယ်အပြောင်းအလဲတွေကြောင့် လို့ ဆိုနိုင်ပါတယ်။ကိုယ်ဝန်ဆောင်ချိန်နဲ့ ကလေးမွေးဖွားချိန်အတွင်း အရွတ်တွဲတွေကို ဆန့်ထုတ်နိုင်အောင် ကူညီပေးတဲ့ ရီဖလက်ဆင်ဟော်မုန်းက ပိုများလာတဲ့အတွက် ကိုယ်အနေအထားပုံစံပြောင်းလဲနိုင်ပါတယ်။ ရလဒ်အနေနဲ့ အာရုံကြောညပ်တာ ဖြစ်လာနိုင်ပြီး စူးခနဲနာကျင်တာ၊ ခြေထောက်တွေ ၊ ပေါင်၊ ခါးနဲ့ တင်ပါးထဲက ထုံကျဉ် တာတွေ ဖြစ်လာနိုင်ပါတယ်။အလားတူပဲ သားအိမ်က ပိုလေးလံလာပြီး ကလေးပိုထွားလာတာနဲ့အမျှ ကြွက်သား၊ အရွတ်နဲ့အာရုံကြောတွေမှာ အရင်နဲ့မတူဘဲ ဝန်ပိုပိစေနိုင်လို့ ထုံ၊ ကျဉ်ရတဲ့ ခံစားမှုတွေဖြစ်စေနိုင်ပါတယ်။ကိုယ်ဝန်ဒုတိယပတ်နဲ့တတိယပတ်တွေရောက်လာတာနဲ့ ခြေထောက်တွေ၊ လက်တွေ ဖောင်းလာ၊ ရောင်လာလေ့ ရှိပါတယ်။ ဒီလိုဖြစ်လာတဲ့အခါ လက်ချောင်း၊ ခြေချောင်းထိပ်တွေအပြင် လက်ကောက်ဝတ်၊ ခါး၊ ခြေထောက်တို့မှာ ထုံကျဉ်တာတွေဖြစ်လာနိုင်ပါတယ်။ကိုယ်ဝန်ဆောင်ချိန် ထုံတာ၊ ကျဉ်တာ ခံစားရတဲ့အခါ သက်သာစေဖို့ကတော့ အများအားဖြင့် ထုံကျဉ်နေတဲ့နေရာတဝိုက်ကို အသာအယာ နှိပ်နယ်ပေးတာ၊ ရေနွေးလေးနဲ့ရေချိုးတာ၊ကိုယ်ဝန်ဆောင်ခေါင်းအုံးနဲ့အိပ်တာ၊ ကြွက်သားတွေဆန့်ထုတ်အကြောလျှော့တာ(ကိုယ်ဝန်ဆောင်လေ့ကျင့်ခန်း) စတဲ့ နည်းလမ်းလေးတွေရှိပါတယ်။ ဒါ့အပြင် –။ကိုယ်ဝန်ဆောင်ချိန် ဒီဝေဒနာလေးတွေက အဖြစ်များတတ်သလို တော်ရုံနဲ့ စိုးရိမ်ဖို့မလိုတတ်ပါဘူး။ ဒါပေမယ့် ကိုယ့်မှာဖြစ်လာတဲ့ ဘယ်လက္ခဏာကိုမဆို ဆရာဝန်နဲ့တိုင်ပင်ပြောပြသင့်ပါတယ်။ တကယ်လို့ ထုံကျဉ်ဝေဒနာတွေကို သွေးဆင်းတာ၊ ဗိုက်အောင့်တာ၊ သားအိမ်ညှစ်တာ၊ ခေါင်းကိုက်တာ၊ အမြင်ဝေဝါးတာ၊ ရောင်ရမ်းမှုပိုဆိုးလာတာ စတဲ့လက္ခဏာတွေနဲ့ တွဲပြီးခံစားလာရရင်တော့ အမြန်ဆုံးစစ်ဆေးကုသမှု ခံယူသင့်ပါတယ်။ထုံကျဉ်ခြင်းကို ဖြစ်စေနိုင်တဲ့ အဖြစ် မများတဲ့ တခြား အကြောင်းရင်းတွေလည်း ရှိနိုင်သေးတာမို့ လက္ခဏာ တာရှည်နေတာ၊ မကြာခဏ ဖြစ်လွန်းတာ၊ နေရထိုင်ရ အဆင်မပြေတာ ရှိလာရင် အမြန်ဆုံး ဆရာဝန် ပြပါလို့ အကြံပေးချင်ပါတယ်။[embed-health-tool-pregnancy-weight-gain]	pregnancy	being-pregnant	https://hellosayarwon.com/pregnancy/being-pregnant/pregnancy-problems/tingling-sensation-in-pregenancy/

End of preview. Expand in Data Studio

HelloSayarWon Myanmar Health Articles Dataset

This dataset contains 9,213 health-related articles sourced from HelloSayarWon, a Myanmar language health and wellness website. The articles are written by qualified experts, doctors, and specialists, and cover a wide range of health topics in Myanmar language.

Usage

This dataset is intended for Myanmar language research and AI applications, including but not limited to natural language processing, health text analysis, and language modeling.

License and Usage Terms

This dataset is provided for non-commercial research and educational purposes only, specifically for Myanmar language studies and AI research under Fair Use provisions.

Full credit must be given to HelloSayarWon and the original authors.
For commercial use, please contact HelloSayarWon or the original content authors directly.
See the LICENSE file for full details.

Acknowledgments

Thank you to HelloSayarWon and all the expert authors for providing valuable Myanmar language health content, enabling the growth of Myanmar AI and NLP research.

Contact

For questions about this dataset, please open an issue or contact the dataset maintainer.

💬 Author’s Note

I receive no compensation for this work. I created this dataset because I love the Myanmar language and want to see it thrive in the era of AI and open technology. I believe this kind of resource should exist for:

🕊️ Freedom of information
🌐 Language preservation
📡 Digital equality

⸻

📫 Contact

Have questions, suggestions, or want to collaborate?

Feel free to reach me at: • 📧 Email: freococo@gmail.com • 🤗 Hugging Face: https://huggingface.co/freococo

⚠️ Please note: Serious inquiries only. Any spam, scams, or malicious activity will be reported to relevant authorities, including law enforcement if necessary.

⸻

@misc{hellosayarwon2025dataset, title = {HelloSayarWon Myanmar Health Articles Dataset}, author = {freococo}, year = {2025}, howpublished = {\url{https://huggingface.co/datasets/freococo/hellosayarwon_dataset}}, note = {Myanmar health articles dataset sourced from HelloSayarWon, authored by qualified experts and specialists} }

Downloads last month: 68

Format:

CSV file

Columns:

Size of downloaded dataset files:

84.3 MB

Size of the auto-converted Parquet files:

25.9 MB

Number of rows:

9,213